अभिनेते किरण माने (Actor Kiran Mane) यांना सोशल मीडियावर (Social Media Post) पोस्ट केल्याप्रकरणी त्या मालिकेतून काढून टाकल्याची घटना घडलीय. त्यावरुन अनेकांनी त्यांच्याबाजूनं प्रतिक्रिया दिली आहे. आता राष्ट्रवादीचे खासदार डॉ. अमोल कोल्हे (Dr.Amol Kolhe) यांनी देखील आपल्या व्हिडिओतून आपण माने यांच्या बाजुनं असल्याचे सांगितलं आहे. माने यांना राजकीय पोस्ट करणं महागात पडल्याचे दिसून आले आहे. यापूर्वी राष्ट्रवादीच्या धनंजय मुंडे, जितेंद्र आव्हाड, यांनी देखील माने यांच्यावतीनं प्रतिक्रिया दिली आहे.

अमोल कोल्हे (Dr.Amol Kolhe) म्हणाले, मला हा विषय महत्वाचा वाटतो. अशा पद्धतीनं खरचं होतं का, समाजमाध्यमांवर राजकीय भूमिका घेतल्यास कलाकारांना मालिकांमधून काढलं जातं का, हे मला सांगायचं आहे. जी गोष्ट पटत नाही त्याबद्दल मी सातत्यानं सांगत आलो आहे. मात्र मला अशाप्रकारचा कधीही अनुभव आलेला नाही. मी देखील एका वाहिनीसाठी मालिका करत होतो. पण मला त्यात कधीही आडकाठी कुणी केली नाही. वेगवेगळ्या वाहिन्यांवर मी काम केले. कोणत्याही वाहिन्यांकडून अशा प्रकारचं वर्तन केलं जातं. असं मला तरी दिसून आलेलं नाही. अशी प्रतिक्रिया डॉ.कोल्हे यांनी आपल्या व्हिडिओतून दिली आहे.