'ला कासा दे पापेल' (La Casa De Papel) या स्पॅनिश वेब सीरिजची इंग्रजी आवृत्ती 'मनी हाईस्ट' (Money Heist) प्रचंड लोकप्रिय आहे. जगभरात लोकप्रियता मिळवलेल्या या सीरिजचा पाचवा भाग लवकरच प्रेक्षकांच्या भेटीला येतोय. याविषयीची महत्त्वपूर्ण माहिती 'नेटफ्लिक्स' या ओटीटी प्लॅटफॉर्मने दिली आहे. जगभरातील 'मनी हाईस्ट'चे चाहते त्याच्या पाचव्या भागाची आतुरतेने वाट पाहत आहेत. हा पाचवा भाग या वर्षी मे महिन्यात प्रदर्शित होणार होता. मात्र कोरोना महामारीच्या संकटामुळे ही तारीख पुढे ढकलण्यात येत आहे.
आता जून महिन्यात या सीरिजचा पाचवा भाग प्रेक्षकांच्या भेटीला येणार असल्याची माहिती 'नेटफ्लिक्स'ने दिली. याचसोबत 'नेटफ्लिक्स'वरील इतर लोकप्रिय सीरिज 'द विचर सिझन २', 'यू सिझन ३', 'सेक्स एज्युकेशन सिझन ३', 'लॉस्ट इन स्पेस सिझन ३', 'कोब्रा काई सिझन ४' हे ऑक्टोबर-डिसेंबरपर्यंत प्रदर्शित होणार आहेत. 'स्ट्रेजर थिंग्स' या लोकप्रिय सीरिजचा चौथा सिझन या वर्षाअखेर किंवा २०२२ च्या सुरुवातीला प्रदर्शित होणार आहे.
गेल्या वर्षी एप्रिल महिन्यात 'मनी हाईस्ट'चा चौथा सिझन प्रेक्षकांच्या भेटीला आला होता. त्यानंतर ऑगस्टमध्ये पाचव्या सिझनची तयारी सुरू झाली होती. मात्र प्रॉडक्शनचं काम रखडल्यामुळे आणि कोरोनाच्या संकटामुळे प्रदर्शन पुढे ढकलण्यात येत आहे.
काय आहे मनी हाईस्ट?
स्वत:कडे गमावण्यासारखं काहीच नसलेल्या आठ जणांना एकत्र आणून 'प्रोफेसर' हा चोरीचा मोठा कट रचतो. सध्या जगभरात लोकप्रियता मिळवलेली ही सीरिज एकेकाळी सुपरफ्लॉप ठरली होती. मात्र 'नेटफ्लिक्स'ने या सीरिजला दत्तक घेतल्यानंतर आणि त्याचे विविध भाषेत रुपांतर केल्यानंतर त्याला प्रचंड प्रसिद्धी मिळाली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.