कतरिना कैफला (Katrina Kaif) करण जोहरच्या(Karan Johar) ५० व्या वाढदिवसाच्या सेलिब्रेशन पार्टीत शेवटचं पाहिलं होतं. अर्थाते ते देखील मे महिन्यात. पण तेव्हापासून ती कुठेच दिसलेली नाही. अगदी एअरपोर्टवर देखील तिला स्पॉट केलेलं नाही. तिची शेवटची इन्स्टाग्राम पोस्टही काही आठवड्यांपूर्वी केलेली आहे. ते देखील तिच्या 'भूत पोलिस' सिनेमासंदर्भातली. आणि तेव्हापासून ती सगळीकडनं गायब झाली आहे. पण यावर मात्र नेटकऱ्यांनी आपले तर्क-वितर्क मांडायला सुरुवात केली आहे.

इन्स्टाग्रामवर एका इंग्रजी वेबसाईटनं कतरिनाच्या लाइमलाइटपासून दूर राहण्याचं कारण थेट नेटकऱ्यांनाच विचारलं. तेव्हा अक्षरशः चाहत्यांनी तर्क-वितर्कांचा पाऊस पाडला. सगळ्यात जास्त चाहत्यांनी तर कतरिना विकी कौशलच्या बाळाला जन्म देणार असल्याचाच अंदाज लावला आहे. एका चाहत्यानं तर म्हटलं आहे की,'कतरिना या महिन्यात १६ जुलैला मोठी बातमी देणार आहे. कतरिना कुठेच सार्वजनिक कार्यक्रमात म्हणजे पार्टी,एअरपोर्टवरही नजरेस पडत नाहीय आणि सोशल मीडियावरनंही गायब आहे आणि याचं काय कारण आहे हे ती १६ जुलैला वाढदिवशीच सांगेल', असं हा चाहता म्हणाला आहे. काही चाहत्यांनी म्हटलं की,'करणच्या 'कॉफी विथ करण'च्या शूटमध्येही ती सहभाग घेणार नाही हे कळलं आहे म्हणजे नक्कीच मोठी गूड न्यूज आहे तिच्याकडेट.

कतरिनाच्या सिनेमांविषयी बोलायचं झालं तर लवकरच ती आपल्याला 'फोनभूत' सिनेमात दिसणार आहे. या सिनेमात तिच्यासोबत सिद्धांत चतुर्वेदी आणि ईशान खट्टर देखील दिसणार आहेत. कोरोना दरम्यान या सिनेमाची घोषणा झाली होती आणि गेल्या वर्षाच्या शेवटी सिनेमाचं शूटिंग पूर्ण झालं. 'फोन भूत' येत्या ७ ऑक्टोबर रोजी प्रदर्शित होत आहे. तर फरहान अख्तरच्या 'जी ले जरा' सिनेमातही कतरिना दिसणार आहे. कतरिनानं काही दिवसांपूर्वी प्रियंका चोप्रा आणि आलिया भट्टसोबतचा एक फोटो शेअर केला होता. या सिनेमाचं शूटिंग पुढील वर्षी होणार असल्याचं कळत आहे.