मुंबई - प्यार का पंचनामा भाग 1 आणि 2 मध्ये आपल्या अभिनयानं कार्तिक आर्यननं सर्वांचे लक्ष वेधून घेतले होते. त्यानंतरही तो सोनू की टिटू की स्वीटीमध्ये दिसला होता. त्यात त्याच्या अभिनयाचे सर्वांनी कौतूक केले होते. आता त्याचा एक नवीन सिनेमा प्रदर्शित होत आहे. त्याचा टीझर प्रदर्शित झाला आहे. सोशल मीडियावरही त्याच्या टीझरनं धुमाकुळ घातला आहे. कार्तिकच्या फॅन्सनं त्याच्या या टीझरला हजारोच्या संख्येनं लाईक्सची भेट दिली आहे. सध्या ट्रेडिंगचा विषय आहे. कार्तिक एका नव्या लुकमधून आपल्या समोर येणार असून त्याची उत्सुकता सर्वांना आहे.

आतापर्यत रोमँटिक अभिनेता म्हणून कार्तिकची प्रतिमा झाली होती. धमाका चित्रपटाच्या माध्यमातून त्याची इमेज बदलणार आहे. कारण आता तो थ्रिलर चित्रपटात काम करणार आहे. त्या चित्रपटाचा टीझर सध्या कमालीचा लोकप्रिय झाला आहे. सोशल मीडियावर तो गेल्या काही वेळापासून ट्रेडिंगचा विषय आहे. या चित्रपटात कार्तिक हा एका न्युज अँकरची भूमिका करत आहे. टीझरमध्ये कार्तिकच्या अभिनयाला प्रेक्षकांनी पसंद केले आहे. त्याच्या वेगळ्या प्रकारच्या भूमिकेचे कौतूक होताना दिसत आहे. टीझरमध्ये दाखवण्यात आले आहे की, न्यूजरुममध्ये बसून कुणावर तरी ओरडत आहे. आणि सांगतो आहे की, बंद करा हा कॅमेरा. आता माझ्याकडून हा शो काही होणार नाही.

त्यानंतर पुन्हा तो सांगतो की, मी अर्जुन पाठक आहे. आणि 24/7 चँनेलच्या माध्यमातून मी जे काही सांगेल ते खरे सांगेल पाहा हा व्हिडिओ.  कार्तिकनं आपल्या सोशल मीडिया अकाऊंटवर हा टीझर व्हायरल केला आहे. त्यानं इंस्टावरही तो शेअर केला आहे. त्यानं कॅप्शन मध्ये लिहिलं आहे की, मी आहे अर्जून पाठक मी जे काही सांगेल ते खरे सांगेल, लवकरच नेटफ्लिक्सवर येत आहे. 

अरे हा तर प्रसिध्द कॉमेडियन, रस्त्यावर ज्युस का विकतोय?

निर्मात्यांनी हा चित्रपट येत्या 22 नोव्हेंबर रोजी प्रदर्शित होणार असल्याचे सांगितले होते. त्यानंतर डिसेंबरमध्ये सांगितल्या गेलेल्या माहितीनुसार असे सांगण्यात आले की, केवळ दहा दिवसांत या चित्रपटाची शुटिंग पूर्ण करण्यात आली आहे. मात्र त्याच्या प्रदर्शनाच्या तारखेविषयी कुठलीही माहिती समोर आलेली नाही.