मराठी कलाविश्वातील सध्या सर्वांत चर्चेत असलेली जोडी म्हणजे सिद्धार्थ चांदेकर आणि मिताली मयेकर. २४ जानेवारी रोजी या दोघांनी पुण्यातील ढेपे वाडा याठिकाणी लग्नगाठ बांधली. पारंपरिक महाराष्ट्रीयन पद्धतीने पार पडलेल्या या विवाहसोहळ्याचे फोटो आणि व्हिडीओ सोशल मीडियावर तुफान व्हायरल झाले. लग्नानंतर एकत्र निवांत वेळ घालवण्यासाठी हे दोघं लोणावळ्यातील 'द मचान' या रिसॉर्टमध्ये गेले. या रिसॉर्टमधील काही फोटो सिद्धार्थ आणि मितालीने त्यांच्या इन्स्टाग्राम अकाऊंटवर पोस्ट केले आहेत. त्यातील एका फोटोची सध्या सोशल मीडियावर चर्चा आहे.
मितालीचा #TinyPanda या नावाने इन्स्टाग्रामवर एक वेगळा अकाऊंट आहे. याच अकाऊंटवर तिने सिद्धार्थला किस करतानाचा फोटो पोस्ट केला आहे. कामाच्या व्यग्र वेळापत्रकामुळे या दोघांनी परदेशाचं एखादं ठिकाण न निवडता महाराष्ट्रातीलच लोणावळ्याची निवड केली. निसर्गाच्या सानिध्यात असलेल्या या रिसॉर्टवरील सिद्धार्थ-मितालीचे फोटो सोशल मीडियावर चांगलेच व्हायरल झाले आहेत.
लग्नाच्या आधी तीन वर्षांपासून हे दोघं एकमेकांना डेट करत होते. मितालीच्या वाढदिवसानिमित्त सिद्धार्थने एका सरप्राइज पार्टीचं आयोजन करत तिच्या खास मित्रमैत्रिणींसमोर त्याने प्रपोज केलं होतं. जून २०२० मध्ये हे दोघं लग्नगाठ बांधणार होते. मात्र करोना महामारी आणि लॉकडाउनमुळे त्यांनी लग्नाची तारीख पुढे ढकलली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.