Nora Fatehi Sukesh Chandrashekhar Money Laundering : बॉलीवूडची प्रसिद्ध सेलिब्रेटी डान्सर नोरा फतेहीच्या डोकेदुखीत आणखी वाढ होताना दिसत आहे. गेल्या काही महिन्यांपासून सुकेश चंद्रशेखर नावाच्या व्यक्तीमुळे नोरा गोत्यात आली होती. त्यामुळे तिची ईडीनं चौकशी सुरु केली असून याप्रकरणी तिला कोर्टानं समन्स बजावल्याचे कळते आहे. या पार्श्वभूमीवर न्यायालयानं नोराला कोर्टात हजर राहण्याचे आदेशही दिले होते.

एएनआयनं केलेल्या ट्विटनुसार आता नोरा दिल्लीच्या पतियाला कोर्टात दाखल झाली आहे. सुकेश चंद्रशेखरनं केलेल्या दोनशे कोटींच्या मनी लॉड्रींग प्रकरणात नोराचा देखील सहभाग असल्याचा संशय पोलिसांना आहे. त्यामुळे त्यांनी नोराची चौकशी सुरु केली आहे. यापूर्वी सुकेशनं तिहार जेलमधून काही बॉलीवूड अभिनेत्रींची नावं घेतल्याची चर्चा होती. त्यातून ईडीनं प्रसिद्ध अभिनेत्री जॅकलीन फर्नांडिझ आणि नोराकडे पुढील तपास केला जात आहे.

Also Read - Adhik Shravan Maas : अधिक श्रावण मास चित्तशुद्धीचा पर्वकाळ

जॅकलीननं तर सुकेशकडून मोठ्या किंमतीचे गिफ्ट स्विकारल्याचे तपासातून समोर आले होते. जॅकलीनचे आई वडील आणि बहिणीला सुकेशनं आर्थिक मदत केल्याचे दिसून आले होते. याबरोबर सुकेशनं जॅकलीनला जे पत्र लिहिले होते ते देखील काही दिवसांपूर्वी व्हायरल झाले होते. सुकेशनं त्या पत्रातून जॅकलीनच्या प्रती आपल्या भावना व्यक्त केल्या होत्या. यासगळ्याचा परिणाम जॅकलीनच्या चित्रपटांवरही झाल्याचे बोलले जात आहे.

असं म्हटलं जातं की, तिहार जेलमध्ये असणाऱ्या सुकेश चंद्रशेखरला भेटण्यासाठी अनेक बॉलीवूडमध्ये अभिनेत्री गेल्या होत्या. यासगळ्यात सुकेशनं नोरा फतेहीबाबत खुलासा केला होता. सुकेशनं जॅकलीनला लाखो रुपयांचे गिफ्ट दिले होते ही गोष्टही तपासातून समोर आली आहे. महागड्या भेटवस्तु, कपडे, दिले होते. केवळ जॅकलीनलाच नाहीतर तिच्या घरच्यांना देखील त्यानं दिलेल्या वस्तुंविषयी ईडीनं चौकशी केली होती.