Kriti Sanon Om Raut Kissing Controversy News: आदिपुरुष सिनेमाची सध्या प्रचंड चर्चा आहे. नुकतंच या सिनेमाचा ट्रेलर लाँच सोहळा पार पडला. तिरुपती येथे आदिपुरुषचा फायनल ट्रेलर लाँच झाला. यावेळी सिनेमातील कलाकार म्हणजेच प्रभास, क्रिती सेनन दिग्दर्शक ओम राऊत उपस्थित होता. यावेळी आदिपुरुषच्या ट्रेलर लाँचवेळी मात्र एका वेगळ्याच प्रकरणाची चर्चा झालीय. ती म्हणजे ओम राऊत आणि क्रिती सेनन यांच्या गुडबाय किसची..

(om raut kriti sanon goodbye kiss controversy at adipurush trailer launch)

काय आहे व्हिडिओत:

या व्हिडिओत ओम आणि क्रिती एकत्र चालताना दिसत आहेत. दोघांनी मंदिराचा खास वेष परिधान केलाय. याशिवाय दोघांनी लाल शाल गुंडाळली आहे. दोघे एकत्र चालत आहेत. आणि गप्पा मारत आहेत. अशातच दोघे गाडीजवळ आले. आणि ओमने क्रितीच्या गालावर किस करून तिला मिठी मारली. आणि दोघांनी एकमेकांचा निरोप घेतला. पण या व्हिडोओ मात्र या दोघांना चांगलाच महागात पडलाय.

काय झालाय वाद जाणून घेऊ?

भाजप नेते रमेश नायडू नागोठू यांनी हा व्हिडिओ शेअर करत संतप्त भावना व्यक्त केल्यात. रमेश ट्विट करून लिहितात.. “इतक्या पवित्र ठिकाणी असं वर्तन कितपत योग्य आहे? वेंकटेश्वर स्वामी मंदिरात अशाप्रकारे मिठी मारणं आणि कीस करणं हे अपमानकारक आहे.” असं ट्विट त्यांनी केलं. नंतर त्यांनी हे ट्विट डिलीट केलं तो भाग वेगळा. याशिवाय बालाजी मंदिरातील मुख्य पुजारी यांनीही या दोघांच्या गुडबाय किसवर आक्षेप घेतलाय.