Sonalee kulkarni birthday : दर्जेदार चित्रपटातून लोकप्रिय झालेली आणि आपल्या खास लुक मध्ये कायमच चर्चेत राहणारी अभिनेत्री सोनाली कुलकर्णी (sonalee kulkarni) सध्या लग्नामुळे चर्चेत आहे. सोनालीने करोना काळात कुणाल बेनोडेकर (kunal benodekar) सोबत अत्यंत साधे पणाने विवाह उरकला. पण त्यावेळी धुमधडाक्यात लग्न करण्याची हौस पूण झाली नसल्याने सोनालीने पुन्हा एका कुणालशी ल्गनगाठ बांधली. सध्या ते दोघेही मेक्सिकोमध्ये आपला हनिमून एन्जॉय करत आहे. आज १८ मे सोनालीचा वाढदिवस त्या निमित्ताने आम्ही तिची एक खास बात सांगणार आहोत.

नटरंग चित्रपटातून 'अप्सरा' म्हणून लोकप्रिय झालेल्या सोनाली कुलकर्णीने आज आपल्या अभिनयाने मराठी चित्रपटसृष्टीत स्वतःचे एक वेगळे स्थान निर्माण केले आहे. 'मितवा','नटरंग', 'हिरकणी', 'झिम्मा' असे अनेक महत्वाचे चित्रपट तिने केले. असे म्हंटले जाते की सोनाली कुलकर्णी ही मराठीतील सर्वाधिक मानधन घेणाऱ्यांपैकी एक अभिनेत्री आहे. सोनाली एका चित्रपटासाठी १५ ते २० लाख रुपये मानधन म्हणून घेते. शक्यतो अभिनेत्री आपल्या मानधनात तडजोड करत नाहीत. पण सोनाली मात्र केवळ एका कारणामुळे आपले मानधन कमी करते.

एका माध्यमात मुलाखती दरम्यान तीला, तू मानधनात कधी तडजोड करतेस का याबाबत विचारले गेले. त्यावेळी सोनाली म्हणाली, 'मी, माझं कुटुंब आम्ही आर्थिकदृष्ट्या स्थिर आहोत. त्यामुळे फक्त पैशांसाठीच काम करावं; असं मला अजिबात वाटत नाही. या क्षेत्रात पाऊल ठेवण्यापूर्वी बाबांनी मला केवळ दोनच गोष्टी सांगितल्या होत्या की एक; आई नेहमी तुझ्याबरोबर असेल आणि दुसरी म्हणजे कोणतंही काम इच्छा असेल तरच करायचं. पैसा किंवा प्रसिद्धीसाठी करायचं नाही. सिनेमा ही माझी आवड आहे त्यामुळे जी संहिता मला ऐकताक्षणी आवडते; त्यासाठी मी क्षणार्धात होकार देते. तिथे मानधनाचा विचार करत नाही.'