Oscar 2023: आजचा दिवस भारतीयांसाठी अत्यंत महत्वाचा आहे. कारण ऑस्कर सोहळ्यात पुरस्कारांची बाजी मारण्यात भारताने सुरुवात केली आहे. नुकत्याच हाती आलेल्या निकालानुसार भारताला पहिला ऑस्कर मिळाला आहे. एक एलिफेंट व्हिस्पर' या शॉर्ट फिल्मने बेस्ट शॉर्ट फिल्मचा पुरस्कार पटकावला आहे.

यंदाच्या ऑस्कर सोहळ्यात भारताला चार नामांकनं मिळाली होती. त्यापैकी 'एक एलिफेंट व्हिस्पर' या शॉर्ट फिल्मला मिळाले होते. 41 मिनिटांचा हा लघुपट हत्ती आणि त्याला सांभाळणाऱ्या दांपत्याच्या आयुष्यावर भाष्य करतो.

डॉक्युमेन्ट्रीची कथा एका वयस्क जोडप्यावर आधारित आहे,जे रघु नावाच्या एका अनाथ हत्तीला दत्तक घेतात आणि त्याचे संगोपन करतात. हे जोडपं रघुच्या अस्तित्वाला वाचवण्याचा पूर्ण प्रयत्न करतात. फक्त त्याचे संरक्षणच हे जोडपं करत नाही,तर देव मानून त्याची पूजा देखील करतात. या कथानकानं अनेकांच्या मनाला स्पर्श केला. माणूस आणि प्राण्यां मधील निस्वार्थी प्रेमाला दाखवण्यात आलं आहे.

या लघुपतटाला ऑस्कर मिळाल्याने अनेकांच्या माना उंचावल्या आहेत. आता 'नाटू नाटू'ला कधी ऑस्कर मिळणार याकडे सर्वांचं लक्ष आहे.

चित्रपट क्षेत्रातील जगभरात सर्वात मानाचा पुरस्कार समजला जाणारा ऑस्कर सोहळा आज लॉस एंजेलिमधील 'डॉल्बी' थिएटरमध्ये पार पडतो आहे. अत्यंत दिमाखदार असा हा सोहळा आहे. यंदाचा हा 95 वा ऑस्कर सोहळा असून भारतीयांसाठी तो प्रचंड महत्वाचा आहे. कारण भारताला चार नॉमिनेशन मिळाले आहेत.