मुंबई : आपल्या रोखठोक भूमिकेमुळे नेहमी चर्चेत असणारी बॉलीवूड अभिनेत्री कंगणा रानौतने आता पुन्हा एकदा चर्चेत आली आहे. अभिनेता सुशांतसिंह राजपूतच्या आत्महत्येसाठी बॉलीवूडमधील नेपोटिझम जबाबदार असल्याचे विधान तिने केल्याने मोठी खळबळ उडाली होती. आता यावेळी तर तिने चक्क पद्मश्री पुरस्कार परत करण्याची तयारी असल्याचे म्हटले आहे.
हिंदी चित्रपटसृष्टीत नेपोटिझम आहे. एखाद्या विशिष्ट व्यक्तीला चित्रपटांमध्ये संधी देण्यासाठी इतरांवर अन्याय केला जातो. त्यांच्याकडे दुर्लक्ष केले जाते. त्यांच्या टॅलेंटला दुर्लक्षित केले जाते. सुशांत सिंह राजपूतच्या आत्महत्येलाही येथील नेपोटिझम कारणीभूत आहे. माझ्या या आरोपामध्ये तथ्य नसेल तर आपण पद्मश्री हा किताब परत देऊ शकतो, असे अभिनेत्री कंगना रानौतने ठणकावून सांगितले आहे.
अभिनेत्री कंगना रानौतला हिंदी चित्रपटसृष्टीत भक्कमपणे पाय रोवण्यासाठी खूप स्ट्रगल करावा लागला आहे. अभिनेता सुशांत सिंहने आत्महत्या केल्यानंतर कंगनाने हिंदी चित्रपटसृष्टीतील नेपोटिझमचा मुद्दा उपस्थित केला होता. सुशांतच्या आत्महत्येला हिंदीतील नेपोटिझम जबाबदार आहे आणि वेळ आल्यास आपण हे सिद्ध करू शकतो, असेही ती म्हणाली.
आताही तिने पुन्हा हाच मुद्दा उपस्थित केला आहे. आपण हे आरोप सिद्ध करण्यासाठी मुंबई पोलिसांना पूर्ण सहकार्य करण्यास तयार आहोत, असेही ती म्हणाली. मात्र मुंबई पोलिसांनी अद्याप तिला जबाब नोंदवण्यासाठी बोलावलेले नाही. सध्या कंगना मनाली येथे आपल्या घरी आहे.
---
(संपादन : ऋषिराज तायडे)
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.