OTT Release: सिनेप्रेमी ओटीटीवर (OTT) रिलीज झालेले चित्रपट (Movies) वीकेंडला आवडीनं बघतात. कॉमेडी, थ्रिलर आणि अॅक्शनचा तडका असणाऱ्या वेब सीरिज (Web Series) आणि चित्रपट ओटीटीवर रिलीज होत असतात. अशातच आज (9 फेब्रुवारी) ओटीटीवर अनेक चित्रपट आणि वेब सीरिज रिलीज होणार आहेत. हे चित्रपट आणि वेब सीरिज तुम्ही वीकेंडला घरबसल्या पाहू शकता. आज रिलीज होणाऱ्या वेब सीरिज तुम्ही बिंच वॉच करु शकता.

नेटफ्लिक्स

आज तुम्हाला नेटफ्लिक्सवर मनोरंजनाची मेजवानी मिळणार आहे. नेटफ्लिक्सवर आज काही चित्रपट आणि वेब सीरिज रिलीज होणार आहेत. अल्फा मेल्स 2, अ किलर पॅराडॉक्स, भक्षक, एशेज, गुंटूर करम, लव्हर स्टॉकर, किलर हे चित्रपट आणि वेब सीरिज रिलीज होणार आहेत. यामधील भक्षक या चित्रपटाची गेल्या काही दिवसांपासून चर्चा आहे. या चित्रपटात भूमि पेडणेकरनं प्रमुख भूमिका साकारली आहे.

झी-5

झी-5 या ओटीटी प्लॅटफॉर्मवर आज'खिचडी २: मिशन पंथुकिस्तान', लंतराणी, कटेरा आणि पलाशेर बाय हे चित्रपट आणि वेब सीरिज प्रदर्शित होणार आहेत.

डिज्नी प्लस हॉटस्टार

डिज्नी प्लस हॉटस्टारवर 'आर्य: द लास्ट वॉर' ही सुष्मिता सेनची वेब सीरिज रिलीज होणार आहे. या वेब सीरिजमध्ये सुष्मितासोबत इला अरुण, विकास कुमार आणि सिकंदर खेर यांनी महत्वाची भूमिका साकारली आहे.