Animal Papa Meri Jaan: सध्या रणबीर कपूरच्या आगामी अ‍ॅनिमल सिनेमाची सर्वांना उत्सुकता आहे. सिनेमाचा टीझर सर्वांना आवडला. रणबीर या सिनेमात आजवर कधीही न पाहिलेल्या अवतारात दिसणार आहे.

अ‍ॅनिमलची नवीन गाणी भेटीला येत आहेत. आज अ‍ॅनिमलचं आणखी एक गाणं प्रेक्षकांच्या भेटीला आलंय. बाप - लेकाच्या हळव्या नात्याचं चित्रण या गाण्यात असलेलं दिसून येतं.

अ‍ॅनिमलच्या नवीन गाण्याचं नाव आहे "पापा मेरी जान". या गाण्यात रणबीर आणि अनिल कपूर यांच्यातले भावनिक संबंध पाहायला मिळतात.

लोकप्रिय गायक सोनू निगमने हे मनमोहक गाणे गायलंय. वडील - मुलाच्या नात्याचे नाजुक बंध या गाण्यातुन उलगडतात. "पापा मेरी जान" हे गाणे हिंदीसोबतच तेलुगु, तमिळ, मल्याळम आणि कन्नड भाषेतही रिलीज झाले आहे

अ‍ॅनिमलमधील "हुआ मैं" आणि "सतरंगा" ही दोन गाणी याआधी रिलीज झाली. या दोन गाण्यांना प्रेक्षकांचा चांगला प्रतिसाद मिळाला.

आज रिलीज झालेलं अ‍ॅनिमलमधील पापा मेरी जान या सोनू निगमच्या आवाजातील गाण्याला सुद्धा प्रेक्षकांचा चांगला प्रतिसाद मिळत आहे.

भूषण कुमार आणि कृष्ण कुमार यांच्या टी-सिरीजची निर्मिती असलेला अ‍ॅनिमल सिनेमाची सध्या खुप चर्चा आहे. संदीप रेड्डी वंगा दिग्दर्शित हा चित्रपट क्राईम ड्रामा प्रकारातील आहे. सिनेमात रणबीर कपूर, अनिल कपूर, रश्मिका मंदाना आणि बॉबी देओल अशा कलाकारांच्या प्रमुख भुमिका आहेत. हा सिनेमा 1 डिसेंबर 2023 ला सिनेमागृहात रिलीज होतोय.