एकीकडे परिणीती चोप्रा आणि आम आदमी पार्टीचे नेते राघव चढ्ढा यांच्या लग्नाच्या चर्चा जोरात सुरू असताना, दोघेही मोहालीत एकत्र क्रिकेट मॅच एन्जॉय करताना दिसले.

गंमत म्हणजे मोहालीच्या स्टेडियममध्ये परिणीती चोप्राला पाहून चाहत्यांनी 'परिणिती भाभी' जिंदाबादच्या घोषणा दिल्या. फॅन्सनी अचानक दिलेल्या घोषणा बघून परिणीती आणि राघव दोघेही चकित झाले.

राघव चढ्ढा आणि परिणीती चोप्रा 'परिणिती भाभी जिंदाबाद'चे नारे ऐकून आपले हसू आवरू शकत नाहीत. हे ऐकून परिणीती तिच्या डोक्यावर हात मारते.

आता लोकांनीही या व्हिडिओचा खूप आनंद घेतला आहे. एकुणच MI vs PBKS या दोघांच्या मॅचपेक्षा राघव चढ्ढा आणि परिणीती चोप्रा यांची हवा होती.

परिणीती काळ्या रंगाच्या ड्रेसमध्ये खूपच सुंदर दिसत होती, तर राघव चढ्ढा निळ्या शर्ट आणि पॅन्टमध्ये दिसले. आयपीएल मॅचदरम्यान दोघांमधील अप्रतिम बाँडिंग पाहायला मिळाली. फोटोंमध्ये दोघेही मॅच एन्जॉय करताना दिसत आहेत, तर काही फोटोंमध्ये परीने राघव यांच्या खांद्यावर डोके ठेवलं आहे. यापैकी एका फोटोमध्ये चाहत्यांना परिणीतीची अंगठी देखील दिसली.

यापूर्वी ही जोडी लंचवर एकत्र दिसली होती. यादरम्यानही परिणीती आणि राघव चढ्ढा मीडियाच्या कॅमेऱ्यात कैद झाले.

रिपोर्ट्सनुसार, परिणीती आणि राघवची 13 मे रोजी दिल्लीत एंगेजमेंट होणार आहे. त्याचवेळी, या वर्षी ऑक्टोबरमध्ये दोघेही लग्नाच्या बेडीत अडकणार असल्याच्या बातम्याही येत आहेत.

अशी बातमी आहे की तिची बहीण प्रियांका चोप्रा देखील परिणीती चोप्राच्या लग्नात तिच्या कुटुंबासह उपस्थित राहू शकते. अभिनेत्रीच्या बाजूने एंगेजमेंटबाबत अद्याप कोणतीही अधिकृत तारीख जाहीर करण्यात आलेली नाही.