बॉलिवूड अभिनेत्री परिणिती चोप्रा आणि आम आदमी पक्षाचे खासदार राघव चड्ढा हे नुकतेच लग्नबंधनात अडकले. हा लग्न सोहळा उदयपूरच्या लिली पॅलेस इथे पार पडला. काल रात्रीच या जोडप्याचा लग्नानंतरचा लूक समोर आला होता. यामध्ये हे नवविवाहित जोडपं खूपच छान दिसत होतं.

आता परिणिती चोप्राने आपला लग्नाचा लूकही शेअर केला आहे. तिचे चाहते तिच्या लग्नाच्या फोटोची आतुरतेने वाट पाहत होते. आता परिणितीने आपल्या लग्नाचे काही फोटो शेअर केले आहेत. यामध्ये तिच्या साध्या लूकमुळे ती सध्या कौतुकाचा विषय ठरत आहे.

परिणिती चोप्राने आपल्या इन्स्टाग्राम अकाऊंटवरुन हे फोटो शेअर केले आहेत. या दोघांच्या लग्नविधीदरम्यानचे हे फोटो आहेत. यामध्ये परिणितीने अगदी साधा लूक केला आहे. परिणितीने बेज रंगाचा घागरा परिधान केला आहे. यावर तिने फिकट हिरव्या, पाचू रंगाचे दागिने घातलेले आहेत. परिणितीचा हा लूक तिच्या चाहत्यांना खूप आवडला आहे.

परिणिती चोप्रा आणि राघव चड्ढा या दोघांनीही फिकट रंगाचे कपडे परिधान केले आहेत. राघवने क्रिम कलरचा कुर्ता पायजमा आणि फेटा बांधला आहे. तर परिणितीनेही तशाच फक्त थोड्याशा डार्क रंगाचा घागरा परिधान केला आहे. या दोघांनीही अगदी कमीत कमी मेकअप केला आहे. हलका बेस आणि स्मोकी आईज लूक केला आहे. शिवाय गालांवर अगदी थोडंसं ब्लश आणि फिकट गुलाबी रंगाची लिपस्टिक परिणितीने लावलेली आहे. परिणितीने यासोबत आपले केस मोकळे सोडले आहेत.

परिणितीचा घागरा डिझायनर मनिष मल्होत्राने तयार केलेला आहे. हा घागरा तयार कऱण्यासाठी त्याला जवळपास २५०० तास लागले आहेत. यावर हँडवर्क कऱण्यासाठी जुन्या सोन्याच्या तारांचा वापर करण्यात आला आहे. तसंच परिणितीच्या ओढणीवर राघव असं होणाऱ्या पतीचं नावही लिहिलेलं आहे. हा फोटो सध्या व्हायरल होत आहे आणि चर्चेचा विषय ठरत आहे.