Parineeti-Raghav Chadha Wedding Update: परिणीती चोप्रा आणि राघव चड्ढा यांची प्रेमकहाणी सध्या फॉर्मात आहे. दोघांनी साखरपुडा करत आपल्या नात्याला जगासमोर कबूल केलं आहे. काही महिने आधी जेव्हा परिणीती चोप्रा आणि राघव चड्ढा एकत्र मुंबईतील एका रेस्टॉरंटमधून बाहेर येताना दिसले तेव्हा सगळेच हैराण झाले होते. अर्थात साखरपुडा होईपर्यंत दोघांनी आपल्या नात्याविषयी चुप्पी साधली होती. पण जगाला तोपर्यंत जे कळायचं ते कळलं होतं.

साखरपुडा तर झाला, आता परिणीती चोप्राच्या चाहत्यांना प्रतिक्षा आहे ते तिच्या लग्नाची. लग्न कधी,कोणत्या तारखेला हे जरी आतापर्यंत समोर आलेलं नसलं तरी रिपोर्ट्समध्ये सांगितलं गेलं आहे की ऑक्टोबरमध्ये परिणीती आणि राघव लग्न करू शकतात.

लग्नाची तारीख भले समोर आली नसली तरी लग्न लवकरच होईल याची माहिती स्वतः होणाऱ्या नवरीबाईंनी म्हणजेच परिणीती चोप्रानं दिली आहे. त्याचं झालं असं की परिणीती चोप्राने प्रियंकाच्या इन्स्टाग्राम पोस्टवर कमेंट करत हिंट दिली आहे की लग्न लवकरच होणार आहे.

प्रियंका चोप्राने इन्स्टाग्रामवर परिणीतीच्या साखरपुड्याचे काही फोटो शेअर केले होते. तिनं लिहिलं होतं की,''तिशा आणि राघव यांना शुभेच्छा..मी तुमच्या लग्नाची खूप आतुरतेने वाट पाहत आहे. तुम्हा दोघांसाठी आणि आपल्या कुटुंबासाठी मी खूप खूश आहे. मला संपूर्ण कुटुंबासोबत वेळ घालवून खूप छान वाटलं''.

प्रियंकाच्या या पोस्टवर परिणीतीनं लिहिलं,''मिमी दीदी-ब्राइडची मेड बनून दिमतीला हजर रहायची वेळ आली आहे''. यासोबतच परिणीतीनं हार्ट इमोजी पोस्ट केला आहे.

परिणीती चोप्रा आणि राघव चड्ढा यांचा साखरपुडा १३ मे रोजी दिल्लीत मोठा धुमधडाक्यात पार पडला. या साखरपुड्याला दिल्ली आणि पंजाबच्या मुख्यमंत्र्यांसोबत राजकीय नेते देखील सामिल झाले होते.

याव्यतिरिक्त अभिनेत्री परिणीतीची चुलत बहिण अभिनेत्री प्रियंका चोप्रा देखील साखरपुड्याच्या सोहळ्यात सामिल झाली होती. फॅशन डिझायनर मनिष मल्होत्रानं देखील परिणीतीच्या साखरपुड्याला हजेरी लावली होती.