Parineeti - Raghav Wedding Update News: परिणीती चोप्रा आणि राघव चढ्ढा अवघ्या काही तासात एकमेकांशी लग्न करणार आहेत. परिणीती आणि राघव यांच्या लग्नाची गेल्या अनेक महिन्यांपासून सर्वांना उत्सुकता होती.

परिणीती - राघव यांच्या लग्नासाठी उदयपूरमध्ये जय्यत तयारी करण्यात आलीय. परिणीती - राघवच्या लग्नासाठी प्रियंका चोप्रा गैरहजर राहणार, अशी चर्चा आहे. प्रियंका चोप्राने बहिणीसाठी खास पोस्ट शेअर लिहीलीय.

प्रियंका चोप्राने बहिणीसाठी लिहीली खास पोस्ट, लग्नाला येणार नाही?

प्रियंका चोप्राने बहीण परिणीतीचा एक खास फोटो शेअर केला आणि पोस्ट लिहीलीय , 'मला आशा आहे की, तुम्ही तुमच्या या खास दिवशी तितकेच आनंदी आणि समाधानी असाल. मी तुमच्यावर नेहमीच प्रेम करते. एका नवीन सुरुवातीसाठी खुप शुभेच्छा.

अशी पोस्ट लिहीत अभिनेत्रीने राघव चढ्ढा आणि परिणीती चोप्रा यांना रेड हार्ट इमोजीसह टॅग केले आहे.

आता या पोस्टवरून प्रियंका सध्या परदेशा असून ती परिणीतीच्या लग्नाला उपस्थित राहू शकणार नसल्याचे स्पष्ट झाले आहे. मात्र तिची आई मधू चोप्रा सर्व कार्यक्रमांना उपस्थित राहणार आहे.

उदयपूर एअरपोर्टबाहेर पाहूण्यांचं ग्रँड स्वागत

परिणीती आणि राघव उद्या २४ सप्टेंबरला विवाहबंधनात अडकणार आहेत. ANI ने नुकताच एक व्हिडीओ शेअर केलाय. या व्हिडीओत उदयपूर एअरपोर्टबाहेर मोठमोठे होर्डींग्ज लावलेले पाहायला मिळत आहे. परिणीती - राघवच्या लग्नासाठी पाहूणे आणि या दोघांचे मित्र-मैत्रिणी विविध ठिकाणांहून उदयपूरला रवाना झालेत.

अशातच या दोघांचे लग्नासाठी आलेल्या पाहूण्यांचं जय्यत स्वागत करण्यात येत आहे. एअरपोर्टवर वाद्य वाजवत भांगडा डान्स करत अदाकार पाहूण्यांचं वेलकम करत आहेत.

परिणीती - राघवच्या लग्नासाठी कडक नियम

२४ सप्टेंबर रोजी उदयपूरच्या लीला आणि द ताज लेक पॅलेसमध्ये हा लग्नसोहळा पार पडणार आहे.

निक जोनस आणि प्रियंका या सोहळ्याला उपस्थित राहणार नाहीत. या सोहळ्याला जे मान्यवर उपस्थित राहणार आहेत त्यांना मोबाईल फोनची परवानगी नाकारण्यात आली आहे. त्यांनी फोन घरी किंवा जिथे राहण्याची व्यवस्था केली असेल तिथे ठेवून सोहळा अटेंड करण्यासाठी यावे. असे सांगण्यात आले आहे.

मोबाईलमधून वेडिंग फोटो काढणे, शुट करणे याकडे काळजीपूर्वक लक्ष ठेवले जाणार असल्याची माहिती आहे. यामुळे कोणत्याही प्रकारे वेगळ्या प्रकारची माहिती सोशल मीडियातून व्हायरल होऊ नये याची काळजी घेतली जाणार आहे.