वर्षाच्या सुरवातीलाच 'तानाजी' आणि 'छपाक' या चित्रपटांनी बॉलिवूडमध्ये हवा केलीय. आता वर्षभर चित्रपटांचा धुरळा उडणार हे नक्की.. अशातच 2020च्या सुरवातीलाच वरूण धवनच्या नवीन चित्रपटाचं पोस्टर रिलीज झालंय. हे पोस्टर इतकं भन्नाट आहे की रिलीजनंतर काही वेळातच या चित्रपटाचा हॅशटॅग ट्विटरवर ट्रेंड होऊ लागलाय.
2021ची सुरवात कॉमेडी करण्यासाठी वरूण धवन आणि दिग्दर्शक शशांक खेतान सज्ज आहेत. पुढच्या वर्षी म्हणजेच 2021मध्ये 'मिस्टर लेले' हा भन्नाट कॉमेडी चित्रपट ते घेऊन येत आहेत. आजच या चित्रपटाचे पोस्टर वरूणने आपल्या सोशल मीडियावरून शेअर केले. या पोस्टरमध्ये वरूण धवन उघडा आहे. तो केवळ बॉक्सरमध्ये दिसतोय. त्याचे दोन्ही हात वर आहेत आणि त्याच्या एका हातात बंदूक आहे, तर दुसऱ्या हातात घड्याळ आहे. त्याला कोणीतरी विचित्र अवस्थेत पकडलंय असे हे पोस्टर आहे.
या चित्रपटात वरूणसोबत भूमी पेजडणेकर व जान्हवी कपूर असल्याची शक्यता वर्तवली जात आहे. या बाबत अजूनही घोषणा करण्यात आलेली नाही. 1 जानेवारी 2021ला हा चित्रपट प्रदर्शित होईल. या चित्रपटाच्या पोस्टरनेच सोशल मीडियावर हशा पिकवला आहे, आता चित्रपट काय जादू करेल याकेड सर्वांचे लक्ष लागून आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.