अनेक मालिका आणि चित्रपटांमधून प्रेक्षकांच्या मनावर अधिराज्य गाजवणारी अभिनेत्री म्हणजे  प्राजक्ता माळीने तिच्या मोहक अदांमुळे अणि नृत्यामुळे मराठी चित्रपटसृष्टीमध्ये स्वत:ची वेगळी ओळख निर्माण केली. प्राजक्ता सोशल मीडियावर खूप सक्रिय असते. तिच्या आगामी चित्रपटांबद्दल तसेच तिच्या आयुष्यातील विविध घडामोडींबद्दल ती सोशल मिडीयावर पोस्ट करते. नुकतेच तिने इन्स्टाग्रामवर काही फोटो व व्हिडीओ पोस्ट केले आहेत. 
 
या व्हिडीओमध्ये ती विमानतळावर डान्स करताना दिसतेय. 'आजूबाजूला सगळेच लग्न करतायत किंवा उत्तरेला फिरायला जात आहेत. म्हटलं आपणही जे सहज शक्य आहे ते करूया. ऑफ टू द व्हेकेशन. हिमाचल प्रदेश' असं हटके कॅप्शन या व्हिडीओला दिले आहे. प्राजक्ता हिमाचल प्रदेशला फिरायला गेली असून तिथले फोटो व व्हिडीओ सोशल मीडियावर पोस्ट करत आहे. 

हेही वाचा : 'बाई तू नाचू नकोस'; प्रसिद्ध अभिनेत्री सोशल मीडियावर ट्रोल

हेही वाचा : अनिता हसनंदानीच्या घरी चिमुकल्या पाहुण्याचं आगमन

फिरण्याची प्रचंड आवड असलेल्या प्राजक्ताने 'मस्त महाराष्ट्र' या कार्यक्रमाचं सूत्रसंचानल केलं होतं. या कार्यक्रमासाठी ती महाराष्ट्रातील विविध ठिकाणांना भेट देत होती. जुळून येती रेशीम गाठी या मालिकेमुळे तिला प्रचंड लोकप्रियता मिळाली. 'महाराष्ट्राची हास्य जत्रा' या कॉमेडी शोचे सूत्रसंचालनही प्राजक्तानेच केले. फिरण्यासोबतच प्राजक्ताला नृत्याचीही फार आवड आहे. हम्पी, खो खो, ...आणि डॉक्टर काशिनाथ घाणेकर, पार्टी या चित्रपटांमध्ये तिने दमदार भूमिका साकारल्या आहेत.