Prathamesh Parab News: प्रथमेश परब हा मराठी आणि हिंदी मनोरंजन विश्वात काम करणारा हरहुन्नरी कलाकार. प्रथमेश परब आजवर टाईमपास करत मराठी मनोरंजन विश्वात टकाटक काम करतोय.

आज असलेल्या रामनवमीच्या मुहूर्तावर प्रथमेशने जय श्रीरामचा नारा दिलाय.प्रथमेशने अचानक जय श्रीरामचा नारा दिल्याने सर्वांच्या भुवया उंचावल्या आहेत. काय आहे नेमकं प्रकरण बघूया..

(Prathamesh Parab new movie jay shree ram shooting starts soon)

आज रामनवमीच्या मुहुर्तावर प्रथमेशच्या आगामी सिनेमाची घोषणा झालीय. सागर पाठक लिखित "जय श्रीराम" या नवीन चित्रपटाचे क्लॅप पूजन मनसे सरचिटणीस श्री अमेयजी खोपकर यांच्या शुभहस्ते करण्यात आले.

याप्रसंगी मनसे चित्रपटसेना उपाध्यक्ष रमेश परदेशी, प्रथमेश परब, अमोल कागणे, शरद पाटील, चेतन चावडा, आनंद कुंदूर, चेतन धोत्रे, निखिल यादव, शहाजी गोरे, श्री झुरंगे इत्यादी मान्यवर उपस्थित होते.

प्रथमेश परब या सिनेमात प्रमुख भूमिका साकारणार आहे. हा सिनेमा ५ जानेवारी २०२३ ला रिलीज होण्याची शक्यता आहे.

या सिनेमात प्रथमेश परब सोबत आणखी कोणते कलाकार झळकणार हे अद्याप गुलदस्त्यात आहे.

काही दिवसांपूर्वी प्रथमेश परब प्रथमेशने गर्लफ्रेंड क्षितिजा घोसाळकर सोबतच व्हिडिओ शेयर केलाय.

क्षितिजाला शुभेच्छा देताना प्रथमेश लिहिलं कि.. 'निरागसता', तुझं सौंदर्य, अशीच हसरी जगत रहा, कधी शहाणपण - कधी लहानपण, निखळ निर्मळ वागत रहा !!

अशा रोमँटीक शब्दात प्रथमेशने क्षितिजाला शुभेच्छा दिल्या होत्या. प्रथमेशने त्याची गर्लफ्रेंड क्षितिजा सोबतचं नातं सर्वांसमोर उघड केलंय.

प्रथमेशची गर्लफ्रेंड क्षितिजा घोसाळकर हि बायोटेक्नोलॉजिस्ट आहे. याशिवाय ती लेखिका आहे. ती एक NGO सुद्धा चालवते.

क्षितिजा आणि प्रथमेश गेल्या अनेक महिन्यांपासून रिलेशनशिपमध्ये आहेत. परंतु काही महिन्यांपूर्वी या दोघांनी रिलेशनशिपमध्ये असल्याचं जाहीर केलं.

अभिनेता प्रथमेश परब याने आजवर बालक पालक, टाइमपास, टकाटक असे अनेक सिनेमे केले पण प्रेक्षकांच्या मनात घर करून राहिला तो 'टाइमपास' मधला दगडू.

नुकताच या चित्रपटाचा तिसरा भाग येऊन गेला, ज्यामध्ये दगडू आणि प्राजक्ता नाही तर पालवीची लव्हस्टोरी दाखवण्यात आली होती.