जानेवारी २०२२ मध्ये,प्रियंका चोप्रा(Priyanka chopra) आणि निक जोनस(Nick Jonas) यांनी सरोगसीच्या माध्यमातून एका छोट्या बाळाचं आपल्या आयुष्यात वेलकम केलं. प्रियंका आणि निक यांनी या मुलीचं नाव मालती मेरी चोप्रा-जोनस असे ठेवले आहे. गेल्या काही दिवसांत मुलीची झलकही प्रियंका-निकने सोशल मीडियावर शेअर केली आहे. अर्थात,अजून काही चाहत्यांना तिचा चेहरा दिसण्याचं भाग्य लाभलेलं नाही,कारण कपनले याबाबतीत योग्य ती काळजी व्यवस्थित घेतली आहे. मालती सध्या ६ महिन्यांची आहे,पण त्यातच आता महत्त्वाच्या सूत्रांकडून म्हणजे प्रियंकाच्या निकवर्तीयांकडून बातमी कळतेय की प्रियंका-निकने दुसऱ्या बाळाची देखील तयारी सुरु केली आहे.(Priyanka Chopra And Nick Jonas Planning Another Baby After Daughter Malti Marie?)

प्रियंका आणि निक जोनस यांनी काही दिवसांपूर्वीच मालती सहा महिन्यांची झाली म्हणून वाढदिवस साजरा केला होता. त्या सोहळ्याचे फोटो देखील त्यांनी सोशल मीडियावर शेअर केले होते. कपलच्या निकटवर्तीयांकडून माहिती मिळत आहे की,प्रियंका आणि निकला आपल्या मुलीच्या आयुष्यात भावा-बहिणीची कमतरता ठेवायची नाही. त्यामुळे दोघेही सरोगसीच्या माध्यमातून दुसऱ्या बाळाच्या तयारीत आहेत.

''प्रियंका आणि निकचं म्हणणं आहे की आयुष्यात भावा-बहिणीचं प्रेम मिळणं खूप महत्त्वाचं आहे. त्यामुळे मालतीच्या बाबतीतही ते तसाच विचार करत आहेत. आता लगेच नाही पण काही महिन्यांनी ते दुसऱ्या बाळाचं प्लॅनिंग करण्याच्या विचारात आहेत. पण जेव्हा देखील हा विचार पक्का होईल तेव्हा सरोगसीच्या माध्यमातून त्या दुसऱ्या बाळाला जन्म दिला जाईल. दुसऱ्या बाळाचं प्लॅनिंग हे दोघे करत आहेत यात काहीच डाऊट नाही,फक्त ते कधी करणार एवढंच अजून ठरायचं आहे''.

सूत्रांच्या म्हणण्यानुसार, निकला आपल्या मुलांच्या वयात फार अंतर नको आहे. त्याला वाटतं,त्याची मुलं देखील त्याच्या भावंडांप्रमाणेच असावीत, ज्यांच्यात वयाचं फार अंतर नाही. एवढंच नाही तर त्याच्या आई-वडीलांना देखील हेच वाटत आहे.

काही दिवसांपूर्वीच प्रियंकाने आपल्या ४० व्या वाढदिवसाचे फोटो शेअर केले होते. ज्यामध्ये तिच्या सासर-माहेरच्या मोठ्या कुटुंबाची झलक पहायला मिळाली होती. आपल्या वाढदिवशी कुटुंबाची सोबत आपल्यासाठी खूप खास गोष्ट आहे असं प्रियंकाने पोस्ट शेअर करताना कॅप्शनमध्ये लिहिलं होतं.