Priyanka Chopra Nick Jonas Daughter Malti Parineeti : बॉलीवूडमधील प्रसिद्ध अभिनेत्री प्रियंका चोप्रा आणि तिचा पती निक जोनास हे आता भारतात आले आहे. ते भारतात येण्यामागील कारण म्हणजे प्रियंकाची बहिण परिणीती चोप्रा हे आहे. तिचं आणि आपचे खासदार राघव चढ्ढा यांच्या लग्नाबाबत मोठी चर्चा रंगली आहे.

परिणीती आणि राघव चढ्ढा यांचे गेल्या काही दिवसांपासून डेटिंगचे फोटो सोशल मीडियावर व्हायरल झाले असून त्यांच्या जवळच्या एका मित्रानं तुमच्या पुढील प्रवासासाठी खूप साऱ्या शुभेच्छा. अशा अर्थाची सुचक पोस्ट केल्याचे म्हटले आहे. त्यानंतर चाहत्यांनी देखील परिणीतीला खूप साऱ्या शुभेच्छा देत तिच्यावर कौतूकाचा वर्षाव केल्याचे दिसून आले आहे. आता तर परिणीतीच्या लग्नाविषयी नेटकरी वेगवेगळे प्रश्न विचारु लागले आहेत.

Also Read - जीएसटीसाठी नोंदणी केलीच नाही तर??

अशातच आपल्या लाडक्या बहिणीच्या लग्नासाठी प्रियंका पतीसह भारतात आल्याच्या चर्चांना उधाण आले आहे. त्याचे कारण तिचे फोटो सोशल मीडियावर व्हायरल झाले आहेत. त्यामध्ये प्रियंका, तिची मुलगी मालती आणि पती निक जोनास हे दिसत आहे. त्या फोटोंवर आलेल्या प्रतिक्रियांमध्ये नेटकऱ्यांनी प्रियंकाची मुलगी मालती आणि तिची मावशी परिणीती यांच्याविषयी प्रतिक्रिया देण्यास सुरुवात केली आहे.

प्रियंका आणि निक मालतीच्या जन्मानंतर पहिल्यांदाच तिला घेऊन भारतामध्ये येत आहे. ते भारतात आल्यानंतर फोटोग्राफर्सनं त्यांच्यावर प्रश्नांचा भडिमार सुरु केला आहे. पापाराझ्झींनी मालती, प्रियंका आणि निक यांचे फोटो घेऊन ते सोशल मीडियावर शेयर केले आहेत.

सुत्रांनी दिलेल्या माहितीनुसार, प्रियंका, निक जोनास हे प्रसिद्ध उद्योगपती मुकेश अंबानी यांच्या पत्नी नीता अंबानींच्या कल्चरल सेंटरच्या उद्धघाटनसाठी आले आहेत. मात्र यासगळ्यात प्रियंकाची मालती चाहत्यांचे लक्ष वेधून घेताना दिसत आहे. काहींनी तर यासगळ्याचा संबंध परिणीती चोप्राशी जोडला आहे.