Pushkar Jog News: पुष्कर जोग हा मराठी मनोरंजन विश्वातील लोकप्रिय अभिनेता. जबरदस्त, वेल डन बेबी, व्हिक्टोरिया अशा अनेक मराठी सिनेमांमध्ये पुष्करने उत्कृष्ट काम केलंय. पुष्करचा अलीकडेच बापमाणूस हा सिनेमा प्रेक्षकांच्या भेटीला आला. या सिनेमाने प्रेक्षक आणि समीक्षकांची पसंती मिळाली आहे. अशातच पुष्करने सोशल मिडीयावर एक पोस्ट केलीय. ज्याची सध्या सगळीकडे चर्चा आहे.

(pushakar jog emotional post for daughter felisha)

पुष्करने त्याची मुलगी फेलिशासोबतचा फोटो पोस्ट केलाय. त्या फोटोला कॅप्शन दिलंय की, मी तुझ्यासाठी जगतो.. तुझ्या प्रगतीसाठी मी काहीही करू शकतो.. मी जगलो किंवा नाही जगलो तरी.. मी तुला नेहमीच प्राधान्य देईन.

जगाच्या विरोधात असू दे, कायद्याच्या विरोधात असू दे, आपण जन्मजात फायटर आहोत. तुझा डॅडा सर्वात बलवान आहे.. तुझ्यासाठी सर्व फेलिशा.

अशी पोस्ट पुष्करने केलीय. पुष्करने अचानक मुलीसाठी केलेली ही पोस्ट बघून अचानक काय घडलंय असा अंदाज त्याचे चाहते बांधत आहेत.

पुष्करच्या वर्कफ्रंटबद्दल सांगायचं झालं तर, पुष्कर अलीकडेच बापमाणूस या मराठी सिनेमात दिसला. या सिनेमात पुष्करने प्रमुख भूमिका साकारली. या सिनेमात पुष्करसोबत अनुषा दांडेकर असे कलाकार प्रमुख भूमिकेत आहेत.

पुष्करच्या आगामी प्रोजेक्टची माहिती उपलब्ध नसली तरीही त्याचे फॅन्स त्याच्या आगामी प्रोजेक्टची वाट बघत आहेत.