Raj Babbar Smita Patil Affair: बॉलीवूडमध्ये काही सेलिब्रेटी वर्षानुवर्षे चर्चेत राहतात. याचे कारण त्यांचे ग्लॅमर आणि त्यांचे चाहते. प्रसिद्ध अभिनेत्री राज बब्बर आणि दिवंगत अभिनेत्री स्मिता पाटील यांच्यातील प्रेमप्रकरण, त्यांचे लग्न हे सारं काही चाहत्यांच्या चर्चेचा विषय होता. स्मिता पाटील यांना जावून दोन दशकांहून अधिक काळ लोटला तरी त्या नेहमीच वेगवेगळया विषयातून चाहत्यांच्या चर्चेचा विषय असल्याचे दिसून आले आहे.

राज बब्बर आणि स्मिता पाटील यांच्या नावाची चर्चा सुरु झाली होती तेव्हा वेगवेगळ्या प्रकारे या दोन्ही सेलिब्रेटींना चाहते प्रश्न विचारु लागले होते. पहिल्यांदा राज बब्बर यांच्या पहिल्या पत्नीनं नादिरानं या गोष्टींकडे दुर्लक्ष केले होते. असे काही नाही याप्रकारची तिची धारणा होती. मात्र कालांतरानं तिला या गोष्टी कळल्या आणि तिचा समज खरा ठरला होता. एका मुलाखतीमध्ये नादिरा यांनी धक्का बसला होता.

हेही वाचा - शेतमजूर ते कॅनाॅल मॅन...जाणून घ्या एक यशोगाथा....

नादिरा यांना राज बब्बर यांच्यासोबतच्या रिलेशनबाबत कळले तेव्हा त्यांनी जो निर्णय घेतला तो घेण्यासाठी मोठं धाडस असावं लागतं. ते नादिरा यांनी दाखवलं. काही दिवसांपूर्वी राज बब्बर यांचा मुलगा प्रतीक बब्बरनं वाढदिवस साजरा केल्याचे दिसून आले. यावेळी राज यांची पहिली पत्नी नादिरा देखील उपस्थित होती. प्रतिक हा राज आणि स्मिता पाटील यांचा मुलगा आहे. नादिरानं त्यांच्या मुलाला नेहमीच साथ दिली.

असं म्हटलं जातं की, राज हे स्मिताला पहिल्यांदा उडीसा येथे भेटले होते. त्यावेळी तिथे भीगी पलके नावाच्या चित्रपटाचे शुटींग सुरू होते. सुरुवातीला काही कारणामुळे त्या दोघांमध्ये भांडणं झाली होती. राज बब्बर यांना स्मिता या फार गर्विष्ठ वाटल्या होत्या. मात्र दुसऱ्या भेटीनंतर त्यांच्या मतांमध्ये फरक दिसून आला.