Raj Thackeray MNS Chief Pune Function : महाराष्ट्र नवनिर्माण सेनेचे अध्यक्ष राज ठाकरे यांनी पुण्यातील मनसे मेळाव्यात पदाधिकारी, कार्यकर्ते यांना जे मार्गदर्शन केले ते चर्चेत आले आहे. राज यांनी यावेळी पदाधिकारी आणि कार्यकर्त्यांना आगामी काळात ग्रामपंचायतीबाबत आणखी गांभीर्यानं विचार करण्याची गरज आहे. त्या ग्रामपंचायती स्वच्छ आहेत की नाही याची काळजीही घ्यावी. असेही सांगितले आहे.

राज यांनी पदाधिकाऱ्यांना मार्गदर्शन करताना आपण आपल्या आजवरच्या शालेय जीवनात पाहिलेल्या सर्वाधिक भ्रष्ट ग्रामपंचायतीचा उल्लेखही केला. याप्रसंगी त्यांनी रमेश सिप्पी यांच्या शोले या चित्रपटातील रामगड गावाच्या ग्रामपंचायतीचा उल्लेख केला. त्यामध्ये त्यांनी त्या गावातील पाण्याची टाकी आणि त्या गावात असणारा ठाकूर याविषयी भाष्य केले. रामगडमधील तो एकमेव ठाकूर आणि त्याच्या घरात लाईट नाही. मात्र त्याच गावात पाण्याची मोठी टाकी आहे.

रामगडमधील पाण्याच्या टाकीत पाणी पोहणार कसं, त्यामुळे मला ती आजवर पाहिलेली सर्वात भ्रष्टाचारी ग्रामपंचायत वाटते. असे राज यांनी यावेळी सांगितले. त्यांच्या या वक्तव्याची सोशल मीडियावर जोरदार चर्चा होऊ लागली आहे. यावेळी राज यांनी त्या मेळाव्यातून मनसेचे पदाधिकारी आणि कार्यकर्त्यांना ग्रामपंचायतीच्या स्वच्छतेबाबत काही महत्वाच्या सुचनाही केल्या.

यावेळी राज यांनी सर्वाधिक स्वच्छ ग्रामपंचायतीसाठी निधीही जाहीर केला आहे. गावातील शहरात आणि शहरतील परदेशात जातात. त्याचे कारण सभोवतालचे वातावरण. गावातील वातावरण चांगल ठेवणं हे पहिल काम करा. असा सल्ला राज यांनी यावेळी पदाधिकारी आणि कार्यकर्त्यांना दिला.