नवी दिल्ली - दाक्षिणात्य सुपरस्टार रजनीकांतचा एक फोटो सध्या सोशल मीडियावर पुन्हा व्हायरल झाला आहे. एका लहान मुलासोबत रजनिकांतचा हा फोटो जवळपास दोन वर्षांपुर्वीचा आहे. या मुलाने त्याला सापडलेले 50 हजार रुपये असलेलं पाकिट प्रामाणिकपणे ज्याचे होते त्याला परत केले होते. मोहम्मद यासिन असं नाव असलेल्या त्या मुलाच्या या प्रामाणिकपणावर रजनीकांत खूश झाला होता. 

2018 च्या जुलै महिन्यातील हा फोटो आहे. तेव्हा इयत्ता दुसरीत शिकत असलेला यासिन त्याच्या शाळेत जात होता. त्यावेळी रस्त्यात त्याला एक पर्स सापडली होती. त्यात 50 हजार रुपये होते. यासिनने ती पर्स थेट शाळेच्या मुख्याध्यापकांकडे दिली आणि सांगितले की हे पैसे त्याचे नाहीत. मुख्याध्यापकांनी याची माहिती पोलिसांनी दिली आणि पैसे ज्याचे होते त्याच्यापर्यंत पोहोचवले. यासिनच्या या प्रामाणिकपणाबद्दल त्याला विचारलं की तुला बक्षिस काय हवं? तेव्हा त्याने रजनीकांतला भेटण्याची इच्छा व्यक्त केली होती. 

सुशांतच्या मृत्यूचा धक्का सहन न झाल्याने त्याच्या वहिनीचे निधन

यासिनचा प्रामाणिकपणा आणि त्याने व्यक्त केलेली इच्छा याची माहिती रजनीकांत यांना होताच त्यांनी यासिनला भेटायचं ठरवलं. रजीनीकांतने यासिनसह त्याच्या कुटुंबाला घरी बोलावलं होतं. तेव्हा रजनीकांत यांनी मुलासह त्याच्या कुटुंबासोबत फोटोही काढले. 

कोरोना काळात केलं लग्न पण अवघ्या तीन दिवसातच झालं असं काही...बातमी वाचून तुम्हालाही बसेल धक्का..

रजनीकांत यांनी यासिनला भेटल्यानंतर माध्यमांशी बोलताना यासिनचं कौतुक केलं होतं. ते म्हणाले होते की, आजकाल लोक काही पैशांसाठी एकमेकांना धोका देतात. अगदी एकमेकांच्या जीवावर उठतात. अशा वातावरणात यासिनने एक आदर्श समोर ठेवला आहे. आता पुन्हा एकदा रजनीकांत आणि यासिनचे फोटो सोशल मीडियावर व्हायरल होत आहेत.