Rajpal Yadav Reveals Why His Mother Didnt Watch Film : बॉलीवूडमधील प्रसिद्ध विनोदी अभिनेता राजपाल यादव हा नेहमीच त्याच्या अभिनयामुळे प्रेक्षकांच्या चर्चेचा विषय असतो. गेल्या तीन दशकांहून अधिक काळ त्यानं त्याच्या अभिनयानं वेगळी ओळख इंडस्ट्रीमध्ये तयार केली आहे. राजपालचा प्रवास काही सोपा नव्हता. पाठीशी कुणीही गॉडफादर नसताना त्यानं तयार केलेली स्वताची वेगळी छाप प्रेक्षकांच्या मनावर कायम आहे.

राजपाल यादवनं त्याला मिळेल त्या चित्रपटांमध्ये प्रभावीपणे काम केले आहे. त्यानं त्या भूमिकेला पूर्णपणे न्याय दिला. यासगळ्यात एका मुलाखतीमध्ये राजपाल यादवनं त्याच्या आजवरच्या प्रवासाविषयी भाष्य केले आहे. त्यात त्यानं आपल्या घरच्यांना आपल्या भूमिकेबद्दल कशाप्रकारे कॉम्प्लेक्स होता याविषयी सांगितलं आहे. त्याचा परिणाम आपल्या व्यक्तिमत्वावर कसा झाला याबद्दल त्यानं बिनधास्तपणे सांगितले आहे.

Also Read - Shivrajyabhishek Sohala : परकीय जलचरांना वेसण घालणारे एकमेव भारतीय राजे म्हणजे

बॉलीवूडमध्ये सध्याच्या घडीला सर्वोत्तम विनोदी अभिनेत्यांमध्ये राजपाल यादवच्या नावाचा समावेश होतो. त्यानं आजवर ज्या चित्रपटांमध्ये भूमिका केल्या आहेत त्या प्रेक्षकांच्या आवडीच्या आहेत. बॉलीवूडच्या दिग्गज अभिनेत्यांना देखील राजपाल यादवच्या भूमिकेनं प्रभावित केले होते. यात बिग बी अमिताभ बच्चन यांच्यापासून रणवीर सिंग या कलाकारांचा समावेश आहे.

राजपालनं आपले काम आईला कसे वाटते याविषयी एका मुलाखतीमध्ये सांगितले होते. आई माझे चित्रपट पाहत नाही. तिला ते आवडत नाही. यावेळी राजपालनं हंगामा नावाच्या चित्रपटाशी संबंधित एक प्रसंग सांगितला आहे. २००३ मध्ये आलेल्या या चित्रपटानं राजपाल यादवला एक वेगळी ओळख मिळवून दिली होती. जेव्हा राजपालच्या आईनं त्याचा हंगामा नावाचा चित्रपट पाहण्यास नकार दिला होता. तेव्हा राजपाल यांना वाईट वाटले होते. कारण त्यात राजपालला मारण्याचे काही प्रसंग होते.

बाळा तुला चित्रपटामध्ये मार खाताना का दाखवतात, ते पाहताना वाईट वाटते. आता तरी तू काही वेगळ्या भूमिका कर. असा सल्ला माझ्या आईनं मला दिला होता. ती लोकं चित्रपटात तुझी किती धुलाई करतात ते मला काही पाहवत नाही. असे आईनं मला म्हटले होते. त्यानंतर मी आईला काही गोष्टी समजावून सांगितले होते. चित्रपट हिट व्हावा यासाठी काही प्रसंग त्यामध्ये टाकले जातात.