Kaam Chalu Hai : बॉलीवूडमध्ये आपल्या विनोदी अभिनयानं गेल्या तीन दशकांहून अधिक काळ प्रेक्षकांच्या मनावर अधिराज्य केले आहे. राजपाल यादवनं त्याचा वेगळा प्रेक्षकवर्ग केला आहे. ९० च्या दशकानंतर विनोदी कलाकारांची जी परंपरा खंडित झाली होती ती पुढे नेण्याचे काम राजपालनं केले आहे.

सध्या राजपाल यादव हा त्याच्या एका चित्रपटातील भूमिकेमुळे ट्रेंडचा विषय होतो आहे. यापूर्वी देखील राजपालनं वेगवेगळ्या भूमिका साकारून आपण किती व्हर्सेटाईल अभिनेते आहोत हे दाखवून दिले होते. त्याच्या व्हायरल झालेल्या मुलाखतीतून राजपालनं आपल्या कुटूबियांविषयी सांगितले होते. मी कायम विनोदी भूमिका करणे हे त्यांना आवडत नाही. चुप चुपके नावाच्या चित्रपटामध्ये मी सहकलाकारांकडून चित्रपटामध्ये खूप मार खाल्ला होता.

Also Read - Adhik Shravan Maas : अधिक श्रावण मास चित्तशुद्धीचा पर्वकाळ

चुपचुपके चित्रपटावरुन राजपालच्या आईनं त्याला तू नेहमीच मार खातो कधीतरी हिरो हो असे म्हटले होते. यानंतर मी काही वेगळ्या भूमिकांचा विचार केला त्यानुसार वाटचाल करण्याचा प्रयत्न केल्याचे राजपालनं म्हटले आहे. यासगळयात आता राजपालचा नवा चित्रपट येतो आहे. त्याचे नाव काम चालू आहे असे आहे. त्याच्या पोस्टरनं नेटकऱ्यांचे लक्ष वेधून घेतले आहे.

राजपालची या चित्रपटामध्ये काय भूमिका असणार याची चाहत्यांना कमालीची उत्सुकता आहे. त्याचा फर्स्ट लूक व्हायरल झाला असून राजपालच्या पाठीमागे सांगलीचा बोर्ड दिसून येतो. राजपाल हा सध्या सांगलीमध्ये चित्रिकरणासाठी आला असून त्याची जोरदार चर्चाही सुरु आहे. पलक मुच्छलचे भाऊ पलश मुच्छल यांनी या चित्रपटाचे दिग्दर्शन केले आहे. त्यांनीच या चित्रपटाचे लेखनही केले आहे.