ड्रामा क्वीन राखी सावंतला आंबोली पोलिसांनी अटक केल्याची बातमी समोर येत आहे. मॉडेलचा फोटो व्हायरल केल्या प्रकरणी आंबोळी पोलिसांनी राखी सावंतला अटक केली आहे. असे सांगितले जात आहे की राखी सावंत आज दुपारी 3 वाजता तिचा पती आदिलसोबत तिची डान्स अ‍ॅकॅडमी सुरू करणार होती, त्यापूर्वीच पोलिसांनी तिला अटक केली आहे.

अभिनेत्री शर्लिन चोप्राने ट्विटरवर ही माहिती दिली आहे. शर्लिन चोप्राने ट्विटरवर लिहिले, “ब्रेकिंग न्यूज !!! आंबोली पोलिसांनी FIR 883/2022 प्रकरणी राखी सावंतला अटक केली आहे. काल राखी सावंतचा ABA 1870/2022 मुंबई सत्र न्यायालयाने फेटाळला.

शर्लिन चोप्राच्या तक्रारीवरून राखी सावंतविरुद्ध आयपीसी आणि आयटी कायद्याच्या विविध कलमांतर्गत एफआयआर दाखल करण्यात आल्याचे मुंबई पोलिसांनी म्हटले आहे. तिने पत्रकार परिषदेदरम्यान चोप्राचा आक्षेपार्ह व्हिडिओ दाखवला आणि आक्षेपार्ह भाषा वापरली, असा आरोप तक्रारकर्त्याने केला आहे.

गेल्या वर्षी राखीने पोलिसांना सांगितले की, शर्लिन चोप्राने 6 नोव्हेंबर 2022 रोजी यूट्यूब आणि इंस्टाग्रामवर एक व्हिडिओ अपलोड केला होता, ज्यामध्ये तिने तिच्याविरुद्ध आक्षेपार्ह टिप्पणी केली होती आणि असभ्य भाषा वापरली होती.

राखीने नंतर प्रसारमाध्यमांना सांगितले की, 'माझ्याबद्दलच्या कमेंटमुळे माझे आयुष्य अशांत झाले आहे हे सांगताना मला खूप वाईट वाटते. यामुळे, माझ्या प्रियकराने मला विचारले आहे की शर्लिन जे बोलत आहे त्यात काही तथ्य आहे का? तुला खरोखर 10 बॉयफ्रेंड आहेत का? तिने फक्त येऊन मीडियात जे काही बोलायचे ते सांगितले आणि आता मला त्याची किंमत मोजावी लागणार आहे.