ड्रामा क्वीन राखी सावंत सध्या तिच्या वैयक्तिक आयुष्याबाबत खूप चर्चेत आहे. राखीने प्रियकर आदिल खान दुर्रानीसोबतच्या तिच्या लग्नाचा व्हिडिओ शेअर करून सर्वांना आश्चर्याचा धक्का दिला होता. यानंतर तिने सांगितले होते की, लग्नानंतर तिनेही इस्लामचा स्वीकार केला आणि आता ती फातिमा झाली आहे.

दुसरीकडे आदिलने आधी त्याच्या लग्नाला नकार दिला होता, त्यामुळे राखी दुःखी झाली होती. आदिलचा नकार आणि आईच्या प्रकृतीबाबत ती मीडियासमोर रडताना दिसली. पुढे मग राखी सावंतसोबतचे लग्न आदिलने मान्य केले. दरम्यान, ती आता मुंबईत पती आदिल खान दुर्रानीसोबत बुरखा परिधान करताना दिसली.

ड्रामा क्वीन राखी सावंत आणि आदिल खान दुर्रानी यांचे लग्न झाले. आदिलने नुकतेच राखी सावंतसोबतचे लग्न स्वीकारले आहे. त्याच वेळी, अभिनेत्रीने खुलासा केला होता की आदिलला तिला बुरखा घातलेला पाहणे आवडते.

यानंतर राखी पहिल्यांदा बुरखा घालून दिसली. बुरखा घालून राखी सावंत पती आदिलसोबत तिच्या आजारी आईला रुग्णालयात भेटायला गेली होती. त्याचा व्हिडिओ चांगलाच व्हायरल होत आहे. राखीच्या लूकचे चाहते कौतुक करत असतानाच अनेक जण तिला ड्रामेबाज देखील म्हणत आहेत.

या व्हिडिओमध्ये राखी सावंत काळ्या आणि तपकिरी रंगाच्या बुरख्यात दिसत आहे. पती आदिलही तिच्यासोबत आहे. राखी तिच्या आईला पाहण्यासाठी हॉस्पिटलमध्ये पोहोचल्याचे या व्हिडिओमध्ये दिसत आहे. आता हे पाहून सोशल मीडिया यूजर्स वेगवेगळ्या प्रतिक्रिया व्यक्त करत आहेत.