मुंबई- बॉलीवूड अभिनेता सुशांत सिंह राजपूतच्या आत्महत्येने संपूर्ण इंडस्ट्रीमध्ये खळबळ उडाली आहे. त्याच्या चाहत्यांमध्येही तणावाचं वातावरण आहे. सगळ्यांनाच त्याच्या आत्महत्येचं कारण जाणून घेण्याची उत्सुकता लागलीये.त्याने हे एवढं मोठं पाऊल का उचललं असावं हे सगळ्यांनाच जाणून घ्यायचं आहे. याचदरम्यान बॉलीवूडची आयटम गर्ल राखी सावंतने असा दावा केला आहे की सुशांत सिंह राजपूतने आत्महत्येनंतर तिच्या स्वप्नात येऊन संभाषण केलं आहे.  

हे ही वाचा: घराणेशाहीच्या मुद्द्यावर अभिषेक बच्चनने दिलेल्या अशा कमेंटने सगळ्यांच्या भुवया उंचावल्या..

नेहमीच वादग्रस्त विधानांमुळे आणि व्हिडिओमुळे चर्चेत असलेली राखी सावंत कधी काय करेल आणि काय बोलेल हे सांगता येत नाही. कित्येक दिवस राखी चर्चांपासून दूर होती. मात्र जास्त दिवस ती सोशल मिडिया आणि चर्चा यांपासून दूर राहू शकत नाही. यावेळी तर राखी सावंतने असा दावा केला आहे की ज्यामुळे सुशांतच्या कुटुंबियांची आणि त्याच्या जवळच्या व्यक्तींच्या पायाखालची जमीन सरकेल.

राखीने असा दावा केला आहे की सुशांत सिंह राजपूतने आत्महत्या केल्यानंतर तिच्या स्वप्नात आला होता. राखीने तिच्या इंस्टाग्राम अकाऊंटवर एक व्हिडिओ पोस्ट केला आहे या व्हिडिओच्या माध्यमातून सुशांत सिंह राजपूतच्या बाबतीत असा दावा केला आहे की ते ऐकून सगळ्यांनाच आश्चर्याचा धक्का बसेल. राखी या व्हिडिओमध्ये असं सांगतेय की, 'रात्री मी झोपत होते तेव्हा मला अचानक जोरात झटका लागला. मी विचारलं कोण आहे? तेव्हा समोरुन आवाजा आला की मी सुशांत. तुम्हाला विश्वास बसेल का की सुशांत माझ्या स्वप्नात आला होता आणि म्हणाला की मी पुन्हा जन्म घेणार आहे. माझ्या चाहत्यांना सांग की मी पुन्हा जन्म घेणार आहे.'

ती पुढे सांगते की, 'मी त्याला विचारलं कसा काय? तेव्हा तो म्हणाला मी लवकरंच सांगेन तुला यावर राखीने त्याला आत्ताच सांग असं म्हटल्यावर सुशांत म्हणाला, राखी तु जेव्हा लग्न करशील तेव्हा मी तुझ्या पोटी जन्म घेईन.'

राखीचा हा व्हिडिओ सोशल मिडियावर मोठ्या प्रमाणात व्हायरल होत आहे. तिचा हा व्हिडिओ पाहून चाहत्यांना त्यांचा राग अनावर होत आहे. लोकांचं म्हणणं आहे की कोणाचा तरी मृत्यु झाला आहे यावर त्याची मस्करी करणं योग्य नाही.    

rakhi sawant share video says sushant came to my dream and said i will reincarnate through your womb