ड्रामाक्वीन राखी सावंत नेहमीच कोणत्या न कोणत्या गोष्टीमुळे चर्चेत असते. आता तर सोशल मीडियावर तिला कुणीतरी खुलं आव्हान देत धमकी दिलीय. ते सुद्धा चक्क पोस्टच्या माध्यमातून. कोण आहे ती व्यक्ती?...तर राखी सावंतचा(Rakhi Sawant) एक्स पती रितेश सिंगने(Ritesh Singh) सोशल मीडियावर धमकी देणारी पोस्ट केल्यानं चांगलीच चर्चा रंगलीय. राखी सावंत आणि रितेश सिंग आता एकमेकांपासून विभक्त झाले आहेत. राखीने काही दिवस आधी यासंदर्भात पोस्ट करत माहिती दिली होती. खरंतर,विभक्त झाल्यानंतरही रितेश सोशल मीडियावर राखीसोबतचे फोटो शेअर करताना दिसला होता. पण यावेळी रितेशने राखी संदर्भातल्या केलेल्या त्या पोस्टमुळे सोशल मीडियावर मात्र गोंधळ माजला आहे.

रितेशने इन्स्टाग्राम अकाऊंटवर राखी सावंतसोबतचा एक फोटो शेअर करत लिहिलं आहे,''राखी तुला एका सिंपल सजेशन आहे. तु प्रार्थना कर की कुठल्या गेम शो मध्ये तु माझ्या समोर येऊ नये याची. अन्यथा तुझी अशी वाट लावेन मी की तू पुन्हा कुठल्या शो मध्ये भाग घेण्याची हिम्मत करणार नाहीस. 'बिग बॉस १५' मधील एका वाइल्ड कार्ड एन्ट्री स्पर्धकाचे मी काय हाल केले होते लक्षात असेल तुझ्या. तेव्हा चिल कर''.

आता रितेशच्या या पोस्टवर गप्प राहिल ती राखी कुठली. राखीनंही त्याच्या पोस्टवर प्रतिक्रिया देत त्याची चांगलीच खडरपट्टी काढली. ती म्हणाली,''तुझा ड्रामा बंद कर''. यावर रितेशने उत्तर दिलंय की,''ड्रामा क्वीन तर तू आहेस''. त्यावर राखी त्याला म्हणाली,''यापुढे माझे फोटो तुझ्या पोस्टमध्ये वापरलेस तर खबरदार''. तेव्हा रितेश म्हणाला,''तु देखील माझं नाव वापरणं बंद करा. तेव्हा मी देखील तुझे फोटो वापरणं बंद करेन. तु परत भेट मला एखाद्या गेम शो मध्ये,मग पाहतो मी तुला''. राखी सावंत ने नुकतेच एका मुलाखतीत रितेशपासून वेगळं होण्याबाबत खुलासा केला होता.

ती म्हणाली होती,''आमच्यातील नातं संपवण्याचा निर्णय रितेशचा होता. त्यादिवशी सकाळी तो उठला आणि आपली बॅग भरू लागला आणि म्हणाला,मला तुझ्यासोबत राहायचं नाही. कारण तेव्हा त्याची पहिली पत्नी स्निग्धासोबत केस सुरू होती''. राखीनं त्यावेळी हे देखील सांगितलं होतं की, रितेशच्या मुलाला जन्म देण्यासाठी ती उत्सुक आहे. असो, या रितेश-राखीतील नव्या ड्रामानं नेचटकऱ्यांचं मात्र चांगलंच मनोरंजन होत आहे.