Ram Charan: दाक्षिणात्य चित्रपटसृष्टीतील सुपरस्टार राम चरण (Ram Charan) हा त्याच्या चित्रपटांमुळे आणि वैयक्तिक आयुष्यामुळे चर्चेत असतो. काही महिन्यांपूर्वी राम चरणची पत्नी उपासनानं (Upasana) मुलीला जन्म दिला. राम चरण आणि उपासना यांना अनेकवेळ एकत्र स्पॉट केलं जातं. आता उपासना आणि राम यांचा एक व्हिडीओ सोशल मीडियावर व्हायरल झाले. या व्हिडीओवर कमेंट करुन अनेकजण राम चरणचं कौतुक करत आहेत.

राम चरण आणि उपासनाचा व्हिडीओ व्हायरल

राम चरण आणि उपासना हे अनंत अंबानी आणि राधिका मर्चंट यांच्या प्री-वेडिंग फंक्शन्ससाठी फ्लाइटमधून जामनगरला जात होते. फ्लाइटमधील राम चरण आणि उपासना यांचा व्हिडीओ व्हायरल झाला आहे. सोशल मीडियावर व्हायरल होत असलेल्या व्हिडीओमध्ये दिसत आहे की, राम चरण हा पत्नी उपासनाच्या पायाची मालिश करत आहे.

नेटकऱ्यांकडून कौतुकाचा वर्षाव

राम चरण आणि उपासना यांच्या सोशल मीडियावर व्हायरल झालेल्या व्हिडीओवर नेटकऱ्यांनी लाइक्स आणि कमेंट्सचा वर्षाव केला आहे. या व्हिडीओला एका नेटकऱ्यानं कमेंट केली, "कपल गोल्स" तर दुसऱ्यानं या व्हिडीओला कमेंट केली, "नवरा असावा तर असा"

राम चरण आणि उपासना हे बालपणीचे मित्र-मैत्रीण आहेत. दोघांच्या मैत्रीचे रुपांतर प्रेमात झाले. त्यानंतर 2012 मध्ये राम चरण आणि उपासना यांनी लग्नगाठ बांधली.2023 मध्ये उपासनानं मुलीला जन्म दिला. राम चरण आणि उपासना यांनी त्यांच्या मुलीचं नाव क्लिन कारा असं ठेवलं आहे.