Ranbir Kapoor: रणबीर कपूर आणि श्रद्धा कपूर यांचा 'तू झूठी मै मक्कार' सिनेमाचा ट्रेलर रिलीज करण्यात आला आहे. पहिल्यांदाच रणबीर आणि श्रद्धाची जोडी मोठ्या पडद्यावर दिसणार आहे. दिग्दर्शक लव रंजनच्या या सिनेमात स्टॅंड अप कॉमेडियन अनुभव सिंह बस्सी देखील आहे. ट्रेलर लॉंचिंग कार्यक्रमात सिनेमाची स्टारकास्ट आणि मेकर्स सगळेच उपस्थित राहिले होते.

यादरम्यान पत्रकारांनी कलाकारांना काही भन्नाट प्रश्न विचारुन भंडावून सोडलं. सिनेमाच्या नावासंबंधित एक प्रश्न रणबीरला विचारला गेला ज्याचं मजेदार अंदाजात रणबीरनं उत्तर दिलं आहे. (Ranbir kapoor tu jhoothi main makkar trailer release repiled to reporter questions )

एका पत्रकारानं रणबीरला प्रश्न केला की,'जितक्या मुली तुझ्या आयु्ष्यात आल्या त्यापैकी तुला कुणी फसवलं असेल ते तुला कसं समजायचं?' यावर रणबीर म्हणाला,''ते मी सांगू शकणार नाही पण इतकं माहिती पडलं की प्रश्न विचारणारे तुम्ही चालू आहात'

या व्हिडीओवर एका नेटकऱ्यानं कमेंट करत लिहिलं की,'रणबीरचा सेंस ऑफ ह्युमर खूपच सॉल्लिड आहे'. तर दुसरा एक जण म्हणाला,'रणबीरनं मस्त उत्तर दिलं'. एका नेटकऱ्यानं लिहिलं आहे की,'रोस्ट केलं एका सेकंदात'. तर एकानं चक्क लिहिलं की,'गर्लफ्रेंड आधीच यानं धोका दिला असेल'.

'तू झूठी मै मक्कार' हा सिनेमा आजच्या तरुणाईचा सिनेमा आहे. ८ मार्च,२०२३ रोजी हा सिनेमागृहात प्रदर्शित होत आहे. लव रंजननं या सिनेमाला दिग्दर्शित केलं आहे. सिनेमाचे निर्माते लव रंजन आणि अंकुर गर्ग हे आहेत. टी-सीरिजचे भूषण कुमार सिनेमाचे प्रस्तुतकर्ता आहेत.

रणबीरच्या याआधी रीलिज झालेल्या ब्रह्मास्त्रमध्ये आलिया भट्ट होती. सिनेमा बॉक्सऑफिसवर सुपरहिट झाला होता.