Randeep Hooda Bollywood Actor Fall down horse : बॉलीवूडचा प्रसिद्ध अभिनेता रणदीप हुडाच्या चाहत्यांच्या मनात धडकी भरवणारी बातमी सोशल मीडियावर व्हायरल झाली आहे. ती म्हणजे त्याला गंभीर दुखापत झाली आहे. त्याला उपचारासाठी रुग्णालयात दाखल करण्यात आल्याची माहिती सुत्रांनी दिली आहे.

सुत्रांनी दिलेल्या माहितीनुसार, रणदीप हा मुंबईतील कोकिलाबेन रुग्णलयात उपचार घेत आहे. खरं तर तो घोडेस्वारी करताना त्याला गंभीर दुखापत झाली आहे. त्यावेळी तो पडला आणि बेशुद्ध झाला. यानंतर त्याला तातडीनं रुग्णालयात दाखल करण्यात आले आहे. काही वेळेपूर्वी रणदीपच्याबाबत हा धक्कादायक प्रकार घडल्याचे सांगण्यात आले आहे.

Also Read - पुण्याचा पहिला 'माॅल'- तुळशीबाग

डॉक्टरांनी रणदीपला पूर्णपणे बेड रेस्ट सांगितली आहे. त्याला बराचकाळ आराम करावा लागणार आहे. यापूर्वी देखील रणदीपला अशाप्रकारे अपघात झाला आहे. एकदा त्याच्या गुडघ्याला दुखापत झाली होती त्यावेळी तो सलमानसोबत राधेची शुटींग करत होता. ती दुखापत एवढी गंभीर होती की, त्याच्या गुडघ्याची सर्जरी करावी लागली होती.

आता पुन्हा रणदीप जखमी झाल्यानं त्याच्या चाहत्यांना मोठा धक्का बसला आहे. त्यानं चाहत्यांसाठी एक खास पोस्ट देखील शेयर केली आहे. चाहत्यांनी त्याला काळजी घेण्याचा सल्ला दिला आहे. रणदीपच्या पायाला गंभीर दुखापत झाली आहे. त्याला पुन्हा सर्जरी करावी लागणार असल्याची शक्यता निर्माण झाली आहे.

नुकताच रणदीप हुडाची कॅट नावाच्या वेबसीरिजमध्ये दिसला होता. त्यामध्ये त्यानं केलेल्या भूमिकेचे प्रेक्षकांनी कौतूक केले होते. याशिवाय तो येत्या काळात साई कबीरची फिल्म मर्दमध्ये देखील दिसणार आहे. तो चित्रपट ६ मे रोजी प्रदर्शित होणार आहे.