Randeep Hooda Lin Laishram wedding Reception: बॉलीवूड अभिनेता रणदीप हुड्डा याने 29 नोव्हेंबर रोजी मॉडेल आणि अभिनेत्री लिन लैश्रामसोबत लग्न केले. मणिपूरमधील इंफाळ येथे पारंपारिक सोहळ्यात या जोडप्याने लग्न गाठ बांधली होती. नातेवाईक आणि काही जवळचे लोक या लग्नसोहळ्यात सहभागी झाले होते.

तर 11 डिसेंबर रोजी नवविवाहित जोडप्याने सोमवारी मुंबईत एका भव्य रिसेप्शन पार्टीचे आयोजन केले होते. या रिसेप्शन पार्टीला इंडस्ट्रीतील अनेक मोठ मोठ्या कलाकरांनी हजेरी लावली होती.

रणदीप -लिनच्या लग्नाच्या रिसेप्शनचे व्हिडिओ आणि फोटो सोशल मीडियावर व्हायरल होत आहेत. या पार्टीला उर्वशी रौतेला ते तमन्ना भाटिया आणि विजय वर्मा, मोना सिंह यासह अनेक कलाकार आले होते.

रिसेप्शन पार्टीमध्ये, लिनने सोनेरी बांगड्या आणि लाल रंगाची साडी घातली होती. तिने नेकपीस, कानातले, बांगड्या आणि अंगठी घातली होती. लिन लैश्राम या देसी लूकमध्ये खुपच सुंदर दिसत होती. तर रणदीपने काळ्या रंगाचा सूट परिधान केला होता. हातात हात धरून त्यांनी पाहूण्यांचे स्वागत केले. तर यावेळी लिन लैश्रामच्या आई-वडीलांनी मणिपुरी कपडे घातलेले होते.

या रिसेप्शन पार्टीला टीव्ही आणि फिल्म इंडस्ट्रीतील अनेक प्रसिद्ध स्टार्सने हजेरी लावली. या पार्टीत 'जब वी मेट'चे दिग्दर्शक इम्तियाज अली मुलगी इडासोबत आले होते. यावेळी इडाने व्हाइट कर्ल ड्रेस परिधान केला होता. तर मोना सिंह पतीसोबत पार्टीत दिसली तिने निळ्या रंगाचा बॉडीकॉन ड्रेस घातला होता. यासोबत या पार्टीला जॅकी श्रॉफ, जावेद जाफरी आणि चंकी पांडे यांनीही हजेरी लावली होती.

आहाना कुमरा जांभळ्या रंगाच्या साडीत सुंदर दिसत होती तर सयानी गुप्ता, इम्तियाज अली आणि त्यांची मुलगी इदा अली, मानवी गाग्रू, विशाल भारद्वाज आणि आशुतोष गोवारीकर यांसारखे कलाकार दिसले. सध्या या पार्टीचे फोटो सोशल मिडियावर व्हायरल होत आहे.

47 वर्षीय रणदीप आणि 37 वर्षीय लिन बरेच दिवस रिलेशनशिपमध्ये होते. लिन ही एक मॉडेल, अभिनेत्री आणि बिझनेसवुमन आहे. तर रणदीप 'स्वातंत्र्य वीर सावरकर' या चित्रपटात दिसणार आहे.