आपल्या गाण्याने सर्वांना नाचायला भाग पाडणारा बादशहा हा एकदा पुन्हा प्रेमात पडलाय. बादशाह आपल्या खासगी आयूष्याबाबत सहसा जास्त माहिती देत नसतो. जस्मिनसोबत घटस्फोट घेतल्यानंतर तो आता पुन्हा प्रेमात पडलाय. होय, बादशाह सध्या पंजाबी अभिनेत्री ईशा रिखी हिला डेट करतोय.

बादशाह नुकताच ‘फॅब्युलस लाइव्ह्स ऑफ बॉलीवूड वाईव्स' या वेब सीरिजमध्ये दिसला होता. यावेळी त्याने तो आता सिंगल असल्याचे करण जोहरला सांगितले होते.मात्र तो आता सिंगल नसून तो पंजाबी अभिनेत्री ईशा रिखीला डेट  करत आहे.या दोघांची एका मित्राच्या पार्टीदरम्यान भेट झाली होती. ते लगेचच एकमेंकाच्या प्रेमात पडले.

खरंतर दोघांची चित्रपट आणि संगीताल्या रुचीने त्यांना एकमेकांच्या जवळ आणल्याचे बोलले जात आहे.हि दोघेही जवळपास एक वर्षापासून एकमेकांना डेट करत असल्याच्या चर्चा आहेत. विषेश म्हणजे यांच्या दोघांच्या रिलेशनशिपबद्दल त्यांच्या घरच्यांनाही माहित आहे असून तेही आनंदी आहेत .

दरम्यान बादशाहाने किंवा ईशाने याची पुष्टी केलेली नाही तरीही दोघं आपल्या नात्याचा खुलासा कधी करतात याची उत्सुकता त्यांच्या चाहत्यांना लागून आहे.

बादशाहचे त्यांच्या पत्नीसोबतचे नाते जास्त काळ टिकु शकले नाही.दोघंमध्ये वाद होत होते आणि त्यानंतर हे दोघेही वेगळे झाले. बादशाह आणि जस्मीनला एक मुलगी आहे.तिचं नाव जेसीमी ग्रेस मसीह सिंग आहे. या दोघी आता लडंनला राहतात.