मुंबई : नुकताच बिग बॉसच्या १३व्या सिझनमध्ये गाजलेली अभिनेत्री म्हणजे रश्मी देशाई पुन्हा एकदा चर्चेत आली आहे. रश्मी व बिगबॉसमधला दुसरा सदस्य सिद्धार्थ शुक्ला यांच्या अफेअर्सच्या चर्चांनाही यावेळी उधाण आलं होतं. तसंच तिचं बिग बॉसमधल्याच अरहान खानसोबतच्या रिलेशनशिपबद्दलही जोरदार चर्चा झाली. मात्र, काही दिवसांपूर्वी तिला तिच्या कपड्यांवरून ट्रोल केलं गेलं, या ट्रोलर्सवर ती भडकली आणि त्यांना तिने खरमरीत शब्दांत उत्तर दिलं आहे. 

Happy Birthday Poonam Pandey : पूनमचे 'हे' फोटो तुम्ही कधीच पाहिले नसतील!

एका मुलाखती दरम्यान तिने तिची ट्रोलर्सबाबतची संतप्त भावना व्यक्त केली. तिच्या कपड्यांवरून ट्रोल करणाऱ्यांना ती म्हणाली की, 'मला माझं शरीर, साईज, मेकअप, कपडे, केस आणि क्लिवेज यावरून ट्रोल केलं गेलं. माझी शरीरयष्टी अशी आहे की माझं वजन सतत कमी-जास्त होत असतं. कित्येक जणांना माझे कपडे व माझा डान्स आवडत नाही. लोकांना माझ्या या गोष्टींचा प्रोब्लेम का आहे... हे शरीर माझं आहे, माझी मर्जी आहे. मी मला हवं ते योग्य वाटेल ते करेन. मी कसं वागायचं तो माझा हक्क-अधिकार आहेत.' अशा शब्दात तिने ट्रोलर्सचा समाचार घेतला. 

ताज्या बातम्यांसाठी डाऊनलोड करा ई-सकाळचे ऍप 

रश्मी तिच्या आयुष्यातही अत्यंत खंबीर आहे. अरहान खान याने बिगबॉसमध्ये विश्वासघात केला होता. त्यातूनही खचून न जाता ती उभी राहिली. सिद्धार्थ व तिच्या रिलेशनशिपबद्दलही खूप उलट-सुलट चर्चा झाली होती. मात्र, या सगळ्याला तोंड देत ती लढत राहिली आणि बिगबॉसमध्ये टॉप ५ मध्ये तिने स्थान कमावलं. तिने ट्रोलर्सला दिलेल्या या उत्तरावर तिचे चाहते खूप खुश आहेत.