Rashmika Mandanna Edited Video : प्रसिद्ध अभिनेत्री रश्मिका मंदाना ही गेल्या काही दिवसांपासून वेगवेगळ्या कारणामुळे चर्चेत आलेली सेलिब्रेटी आहे. ती नॅशनल क्रश म्हणूनही ओळखली जाते. पुष्पानंतर तिच्या वाट्याला अमाप लोकप्रियता आली. त्यानंतर तिनं बॉलीवूडमधील अनेक दिग्गजांसोबत स्क्रिन शेयर केली आहे.

रश्मिकानं बिग बी अमिताभ बच्चन यांच्यासोबत देखील स्क्रिन शेयर केली आहे. सध्या रश्मिका तिच्या एका वेगळ्या व्हिडिओमुळे ट्रोल झाली आहे. तो व्हिडिओ खरचं तिचा आहे की आणखी कुणाचा आहे हे देखील समोर आले आहे. मात्र या सगळ्यात बिग बी अमिताभ बच्चन यांनी रश्मिकाचा जो व्हिडिओ व्हायरल झाला होता त्याबाबत तीव्र शब्दांत नाराजी व्यक्त केली आहे. नेमकं घडलंय काय हे आपण जाणून घेणार आहोत.

रश्मिकाचा जो व्हिडिओ व्हायरल झाला आहे तो एडिटेड असल्याचे दिसून आले आहे. तो बोल्ड व्हिडिओ अनेकांच्या प्रतिक्रियेचा विषय आहे. तो व्हिडिओ पाहिल्यानंतर अमिताभ बच्चन तिच्या बाजूनं उभे राहिले आहेत. आणि ज्यानं कुणी तो व्हिडिओ मॉर्फ केला आहे त्याच्यावर कायदेशीर कारवाई केली गेली पाहिजे असेही म्हटले आहे. सध्या तो व्हिडिओ नेटकऱ्यांचे लक्ष वेधून घेताना दिसतो आहे.

त्या व्हिडिओमध्ये दिसून येते की, रश्मिकानं डीपनेक जिम वेअर परिधान केले आहे. मात्र प्रत्यक्षात ती रश्मिक नसून दुसरी सोशल मीडिया इन्फ्ल्युंसर असल्याचे दिसून आले आहे. तिचे नाव झारा पटेल असे आहे. एका युझर्सनं हा व्हिडिओ सोशल मीडियावर पोस्च केला असून त्यानं देशाला आता अशा प्रकारच्या डीपफेक व्हिडिओपासून वाचण्यासाठी काही ठोस उपाययोजना करावी लागणार आहे. हा व्हिडिओ मंदानाचा नसून तो झाराचा आहे.

अमिताभ यांनी हा व्हिडिओ पाहिल्यानंतर त्यावर तीव्रपणे आपल्या भावना व्यक्त केल्या आहेत. त्यांनी म्हटले आहे की, अशा प्रकारच्या कृतीवर कायदेशीर कारवाई होऊ शकते. यावर बिग बी यांनी देखील रियल व्हिडिओ शेयर करुन कशाप्रकारे व्हिडिओ मॉर्फ केले जातात हे सांगितले आहे.