Raveena Tandon Jyotirlinga Trip: गेल्या तीन दशकांहून अधिक काळ आपल्या अभिनयानं आणि सौंदर्यानं चाहत्यांचे मनोरंजन करणारी अभिनेत्री रवीना टंडन ही नेहमी कोणत्या ना कोणत्या कारणाने चर्चेत असते. पद्मश्री पुरस्कार विजेती रवीना आजही आपल्या सौंदर्य आणि अभिनयाने प्रेक्षकांना भुरळ घातले.

रवीना टंडन नुकतीच धार्मिक यात्रेवर गेली होती. रवीना टंडनने तिच्या इन्स्टाग्राम हँडलवरून ही माहिती दिली आहे. रवीनाने तिची मुलगी राशा थडानीसोबतचे तिचे काही फोटो सोशल मीडियावर शेअर केले आहेत. ज्यामध्ये ती आणि तिची मुलगी राशाने 12 ज्योतिर्लिंगाचे दर्शन घेतले आहे. याचे फोटो सोशल मीडियावर शेयर करत रवीनाने एक भावनिक नोट शेअर केली आहे.

रवीनाने यावेळी पारंपारिक वेषात देवदर्शन केले. तिने क्रीम रंगाची साडी नेसली होती, मॅचिंग कानातले, मेकअप आणि अंबाड्यासह अँटीक-स्टाईल नेकपीसने घालून तिने तिचा लूक पुर्ण केला होता तर दुसरीकडे, राशाने गुलाबी शरारा परिधान केला होता.

त्यांची ही यात्रा केदारनाथ धामपासून सुरू होऊन रामेश्वरम मंदिरात संपली. त्यांनी राम सेतूला भेट दिली. जिथे पुरोहितांची भेट घेऊन त्यांचे विशेष आशीर्वाद घेतले. रवीनासोबत तिची मुलगी राशा थडानीचे फोटो सध्या सोशल मिडियावर व्हायरल होत आहे.

हे फोटो शेयर करत रविनाने कॅप्शनमध्ये लिहिले, “केदारनाथ ते रामेश्वरम… 12 पवित्र ज्योतिर्लिंग पूर्ण करण्याचे आमचे ध्येय… प्रत्येक गोष्टीसाठी शिवाचे आभार… हर हर महादेव, जय भोलेनाथ शिव शंभू….” यासोबत तिने श्री राम…. #रामसेतू #रामेश्वरम #धनुस्कोडी #फ्लोटिंग स्टोन्स हे हॅशटॅग वापरले आहेत.

रविनाच्या वैयक्तिक आयुष्याबद्दल सांगायचे तर, तिने अनिल थडानी यांच्याशी लग्न केले आहे आणि त्यांना मुलगी राशा आणि एक मुलगा आहे. रविना आता लवकरच अक्षय कुमारसोबत वेलकम टू जंगलमध्ये दिसणार आहे.