मराठी चित्रपटसृष्टीला नटरंग आणि टाईमपास सारखे चित्रपट देणारा रवी जाधव हा इंटस्ट्रीतील एक उमदा निर्माता आणि दिग्दर्शक आहे. तो नेहमी चित्रपटांमध्ये नवनवीन प्रयोग करत असतो. रवीने सातत्याने दर्जेदार चित्रपट दिले आहेत. त्याचे प्रत्येक चित्रपट हे चर्चेत असतात. पण आता रवीने जॅकी श्रॉफसोबत पोस्ट केलेल्या फोटोची चांगलीच चर्चा होत आहे.
नुकतंच रवीने फेसबुक अकाऊंटवर बॉलिवूड अभिनेता जॅकी श्रॉफसोबतचा एक फोटो पोस्ट करत लिहिलं,'हिरो, राम लखन, परींदा, कर्मा, त्रिदेव.. भाड्याने VCR आणि कलर टीव्ही आणून हे चित्रपट अनेक वेळा पाहिले तेव्हा माहित नव्हते एक दिवस या रियल हिरोसोबत काम करायला मिळेल. कुछ तो रापचीक हो रहेला है भीडू. (बाकी तपशील लवकरच),' अशी पोस्ट रवी जाधवने लिहिली आहे. यावरून आता जॅकी हे लवकरच रवीच्या चित्रपटात दिसणार,असा अंदाज बांधला जात आहे.
रवीने बालक पालक,न्युड, बालगंर्धव यांसारखे दमदार चित्रपट केले आहेत. तर त्याने कच्चा लिंबू या चित्रपटात त्याने अभिनय केला. जॅकी हे 'सूर्यवंशी' या चित्रपटाच्या निमित्ताने मराठी विनोदी कार्यक्रम 'चला हवा येउ द्या'मध्ये आले होते, तेव्हा त्यांनी मराठी चित्रपटांमध्ये काम करण्याची इच्छा व्यक्त केली होती. याआधी जॅकी यांनी 'ह्रदयनाथ' या मराठी चित्रपटामध्ये काम केलं आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.