Ravi Kishan actor MP Angry On Jaya Bachchan : अभिनेता रवि किशन सध्या वेगळ्या कारणासाठी चर्चेत आला आहे. लोकप्रिय खासदार म्हणून प्रसिद्ध असणाऱ्या रवि किशन हा नेहमीच परखड वक्तव्यांसाठी ओळखला जातो. आताही तो ज्येष्ठ अभिनेत्री जया बच्चन यांना दिलेल्या प्रतिक्रियेमुळे चर्चेत आला आहे. त्यानं कास्टिंग काऊचविषयी केलेलं भाष्य वादाच्या भोवऱ्यात सापडल्याचे दिसून आले आहे.

बॉलीवूडचा प्रसिद्ध अभिनेता सुशांत सिंग राजपूतच्या आत्महत्येप्रकरणानंतर बॉलीवूडमधून वेगवेगळ्या घडामोडी उघडकीस आल्या आहेत. त्यानंतर बॉलीवूडच्या अभिनेत्यांनी केलेल्या खुलाशानंतर बॉलीवूडमधील नको त्या गोष्टी चर्चेत आल्या. अशावेळी रवि किशनच्या प्रतिक्रियेनंतर सोशल मीडियावर चर्चेला उधाण आले आहे. सुशांतच्या मृत्युनंतर बॉलीवूडमधील ड्रग्ज कनेक्शनविषयी रवि किशननं प्रतिक्रिया दिली होती. त्यामुळे जया बच्चन यांनी त्याच्यावर नाराजी व्यक्त केली होती.

Also Read - शॉर्ट सेलर्स म्हणजे नक्की कोण?

रविनं जी प्रतिक्रिया दिली आहे ती चुकीची आहे. कुणामुळे तुम्ही पूर्ण इंडस्ट्रीला नावं ठेवू शकत नाही. असेही जयाजी यांनी म्हटले होते. यानंतर रविनं पुन्हा एकदा त्यावर प्रतिक्रिया दिली आहे. तो म्हणाला, जयाजी यांनी माझे विधान चुकीच्या पद्धतीनं घेतले आहे. त्या मला आईसारख्या आहेत. मी त्यांचा आदर ठेवतो. माझे त्यांना सांगणे आहे की, फिल्म इंडस्ट्रीमध्ये ड्रग्ज जी कीड आहे ती काढून टाकण्याची गरज आहे.

पंजाबमधून बॉलीवूडमध्ये ज्याप्रमाणे ड्रग्ज येते आहे त्याविषयी मी बोललो होतो. जयाजी यांनी माझे म्हणणे चुकीच्या पद्धतीनं घेतले आहे. जर मी ड्रग्ज घेतले असेल तर तुम्ही म्हणाल ती शिक्षा भोगायला मी तयार आहे. माझ्या थाळीत ड्रग्ज आलेलं नाही हे सांगून ठेवतो. असेही रविनं म्हटले आहे.