मुंबई- सुशांत सिंह राजपूत केसमध्ये रिया चक्रवर्तीच्या व्हॉट्सअप चॅटमधून मोठा खुलासा झाला आहे. या चॅटमुळे खरंतर या प्रकरणाने नवीन वळण घेतलं आहे. रिया चक्रवर्तीने डिलीट केलेले व्हॉट्सअप चॅट ईडीने रीट्रीव केले आहेत. बुधवारी या प्रकरणात ईडीने रिया चक्रवर्तीची टॅलेंट मॅनेजर जया साहाला चौकशीसाठी समन्स पाठवले आहेत. तर यामुळे नारकोटीक्स ब्युरोचे अधिकारी देखील मिटींग घेणार आहेत. या मिटिंगमध्ये सुशांत प्रकणात ड्रग एँगलने चर्चा होईल आणि पुढची कारवाई ठरवली जाईल.

हे ही वाचा: सिद्धार्थ पिठानी म्हणाला, 'कुटुंबियांच्या परवानगीने उतरवला होता सुशांतचा मृतदेह', सुशांंतच्या कुटुंबियांनी नाकारली गोष्ट

रियाच्या या व्हॉट्सअप चॅटमधून असा संशय बळावतोय की रिया चक्रवर्ती सुशांतला ड्रग्स देत होती. आता सुशांतला याविषयीची माहिती होती की नाही हा तपासाचा विषय आहे. मात्र  रिया ड्रग चॅट प्रकरणाने आता तर नारकोटिक्स ब्यरोला देखील यात आणलं गेलं आहे. रियाच्या या चॅट्समुळे निश्चितच प्रकरणाची दिशा बदलली आहे. या खुलास्यानंतर सुशांत सिंह राजपूतची बहीण श्वेता सिंह किर्तीने देखील ट्विट करत सीबीआयकडे लगेचच ऍक्शन घेण्याची मागणी केली आहे. तिने ट्विट करत म्हटलं आहे की, 'हे एक गुन्हेगारी प्रकरण आहे. सीबीआयने त्वरित यावर कारवाई केली पाहिजे.'

एका प्रसिद्ध वृत्तवाहिनीच्या हाती देखील रियाचे हे ड्र्ग संबंधित चॅट लागले आहेत. यामध्ये रिया एका कथित ड्रग डिलरकडून बेकायदेशीर ड्रग्स जसं MDMA , हशीश आणि मैरुआना सारख्या ड्रग्सच्या वापराबाबत चर्चा करत आहे. रियाचे काही मेसेजेस समोर आले आहेत ज्यामध्ये तिने नोव्हेंबर २०१९ मध्ये तिची टॅलेंट मॅनेजर जया साहा आणि कथित ड्रग डिलर गौरव आर्या यांच्यासोबत सुशांतला ड्रेग देण्याबाबत चर्चा केली आहे.     

rhea drug chat talent manager jaya saha summoned by ed ncb to discuss drug angle