बॉलिवूड अभिनेता रितेश देशमुख आणि त्याची पत्नी अभिनेत्री जिनिलिया देशमुख यांचा 'वेड' हा चित्रपट ३० डिसेंबरला प्रदर्शित झाला आहे. रितेशचा दिग्दर्शक म्हणून तर जिनिलियाचा देखील मराठी चित्रपटसृष्टीमध्ये हा पहिलाच चित्रपट आहे. रितेश व जिनिलीयाच्या 'वेड' चित्रपटाने बॉक्स ऑफिसवर जणू काही जादूच केली आहे.
या चित्रपटाने प्रेक्षकांना 'वेड'लावलय असं म्हटलंतर वावगं ठरणार नाही. 'वेड' चित्रपटाला प्रेक्षकांचा उत्स्फूर्त प्रतिसाद मिळाला आहे. रिलीजच्या २४ व्या दिवशीही या चित्रपटाने रेकॉर्डब्रेक कमाई केली आहे.
चित्रपट समीक्षक तरण आदर्शने त्याच्या सोशल मीडिया अकाऊंटद्वारे ‘वेड’च्या बॉक्स ऑफिस कलेक्शनबाबत माहिती दिली आहे. बॉक्स ऑफिसवर बक्कळ कमाई करत आहे.
पहिल्या दिवसापासूनच 'वेड'नं बॉक्स ऑफिसवर त्याची घट्ट पकड निर्माण केली होती. पहिल्याच दिवशी या चित्रपटाने २ कोटी २५ लाखांचा गल्ला जमवला. त्यानंतर पहिल्या आठवड्यात २० कोटींचा पल्ला गाठला. दुसऱ्या आठवड्याच्या शेवटी चित्रपटाने ४० कोटींचा टप्पा पार केला आणि तिसऱ्या आठवड्याच्या शेवटी चित्रपटाने तब्बल ५० कोटींची कमाई केली.
प्रदर्शनाच्या २४ व्या दिवशीही म्हणजेच २२ जानेवारी रविवार या चित्रपटाने जबरदस्त कमाई केली. रविवारी चित्रपटाने तब्बल १ कोटी ७० लाखांचा बिझनेस केला. याचसोबत 'वेड' ची एकूण कमाई ५५. २२ कोटींवर पोहोचली आहे.
'वेड' हा सिनेमा नागा चैतन्य आणि सामंथा यांच्या 'मजिंली' या तेलुगू सिनेमावर आधारित सिनेमा असलातरी रितेश आणि जिनिलियाचा जोडीला भरभरून प्रेम मिळत आहे. आता 'वेड' १०० करोडचा टप्पा कधी पार करणार याची रितेशच्या चाहत्यांना उत्सुकता लागली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.