मुंबई- अभिनेता रितेश देशमुखने सोशल मिडीयावर वडिल विलासराव देशमुखांच्या जयंतीनिमित्त एक मार्मिक व्हिडिओ शेअर केला आहे. त्यांच्या पेहरावाच्या मदतीने त्याने वडिल विलासरावांप्रती प्रेम व्यक्त करण्याचा अनोखा प्रयत्न केला आहे. हा व्हिडिओ पाहून सगळ्यांच्याच लक्षात येईल की रितेशला त्याच्या वडिलांची कमतरता जाणवत आहे आणि त्यांच्या स्पर्शासाठी तो आतुर झालेला आहे. 

हे ही वाचा: जेव्हा सलमान गर्लफ्रेंडच्या कपाटात लपला होता आणि एका चुकीमुळे पकडला गेला...

वडिल विलासराव देशमुख यांच्या जयंतीनिमित्त अभिनेता रितेश देशमुखने भावूक करणारा एक व्हिडिओ सोशल साईटवर पोस्ट केलाय. हा व्हिडिओ त्याने टिकटॉकसोबतंच ट्वीटवरही शेअर केला आहे. या व्हिडिओमध्ये रितेश हँगरवर असणा-या एका कुर्ता-जॅकेट असलेल्या पेहरावाकडे जातो. आणि मग त्यात एक हात टाकून व्हिडिओ शूट करतो. हा व्हिडिओ पाहताना असं वाटतंय की विलासराव त्याच्या पाठीवर स्वतः हात फिरवत आहे आणि रितेशने त्यांना मिठी मारली आहे. अभी मुझमे कही बाकी थोडीसी है जिंदगी या गाण्यावर शूट केलेला हा व्हिडिओ पाहून अनेकांना भरुन आलं आहे. 

हा कुर्ता-जॅकेटचा पेहराव पाहून असं वाटतंय की तो विलासरावांच्या आवडत्या पेहरावापैकी एक असावा. त्यांच्या जयंतीनिमित्त त्यांना ही अशी अनोख्या पद्धतीची आणि भावूक करणारी गळाभेट रितेशने दिली आहे. हा व्हिडिओ शेअर करताना त्याने हॅप्पी बर्थडे पापा, मी तुम्हाला दररोज मिस करतो. असं कॅप्शन दिलंय. आज विलासरावांची ७५ वी जयंती आहे. 

सोशल मिडियावर रितेशचा हा व्हिडिओ मोठ्या प्रमाणावर व्हायरल होत आहे. रितेशने वडिलांना दिलेली ही अनोखी श्रद्धांजली सगळ्यांनाच आवडली आहे. केवळ चार तासात टिकटॉकवर हा व्हिडिओ १० लाखांपेक्षा जास्त लोकांनी पाहिला आहे तर ट्वीटरवर ४७ हजार पेक्षा जास्त लोकांनी आत्तापर्यंत या व्हिडिओला लाईक केलं आहे.    

riteish deshmukh tiktok video going popular on internet remembers his father