Ritesh Genelia Viral Video : मराठी - हिंदी चित्रपट विश्वातील प्रसिद्ध कपल म्हणून रितेश - जेनेलियाच्या नावाची नेहमीच चर्चा असते. त्यांच्या वेड चित्रपटानं प्रेक्षकांना भुरळ घातली होती. या दोन्ही सेलिब्रेटींची मुलं रियान आणि राहिलचीही चर्चा होत असते. आता एका व्हिडिओमुळे त्यांच्यावर कौतूकाचा वर्षाव होताना दिसतो आहे.

रितेश-जेनेलियाच्या व्हायरल व्हिडिओला नेटकऱ्यांचा मोठा प्रतिसाद मिळताना दिसतो. त्यांच्या व्हिडिओला मिळणारे लाईक्स आणि कमेंटसही चर्चेत असतात. गेल्या वर्षी या दोन्ही सेलिब्रेटींचा वेड नावाचा मराठी चित्रपट प्रदर्शित झाला होता. त्याला प्रेक्षकांचा मोठा प्रतिसाद मिळाला होता. गेल्या वर्षी सर्वाधिक कमाई करणारा मराठी चित्रपट म्हणून वेड चित्रपटाचे नाव घेतले गेले.

Also Read - कॅशबॅक किंवा खरेदीवर सूट मिळणारंच कार्ड निवडा...

त्या व्हिडिओमध्ये दिसून येते की, रितेश जेनेलियाची दोन्ही मुलं फोटोग्राफर्सला पाहिल्यावर हात जोडतात. तो व्हिडिओ व्हायरल झाल्यानंतर नेटकऱ्यांनी रितेश-जेनेलियाचे कौतूक केले आहे. तुम्ही मुलांना खूप चांगले संस्कार दिले आहेत. त्यांना चांगली शिकवण दिली आहे. अशा शब्दांत त्यांचे कौतूक केले आहे. यापूर्वी देखील रितेश-जेनेलियाच्या रियान आणि राहिलवर चाहत्यांनी प्रेमाचा वर्षाव केला होता.

एका नेटकऱ्यानं त्या व्हिडिओवर प्रतिक्रिया देताना लिहिलं आहे की, रितेश-जेनेलिया हे बॉलीवूडचं लोकप्रिय तितकचं क्युट कपल आहे. त्यांचे व्हिडिओ मनोरंजन आणि खूप काही शिकवून जाणारे असतात. ते चांगले कलाकाराबरोबरच आदर्श पालकही आहेत. असे म्हटले आहे. मुंबईतल्या एअरपोर्टवरून व्हायरल झालेल्या व्हिडिओवरील प्रतिक्रिया भन्नाट आहेत.