Hansal Mehta Tweet News टेनिस स्टार रॉजर फेडररच्या (Roger Federer) निवृत्तीवर अनेक बॉलिवूड सेलिब्रिटींनी सोशल मीडियावर मेसेज पोस्ट केले आहेत. दरम्यान, चित्रपट निर्माते हंसल मेहता यांच्या ट्विटकडे सर्वांचे लक्ष लागले आहे. त्याने रॉजर फेडररच्या जागी अरबाज खानचा (Arbaaz Khan) फोटो लावला आहे. त्याच्या पोस्टवर लोक कमेंट करीत आहेत. त्याने हॅशटॅगमध्ये रॉजर फेडररचे नाव घेतले आहे. फोटो मात्र अरबाज खानचा लावला आहे. यामुळे अरबाजला काय झाले असे युजर्स विचारत आहेत.

टेनिस स्टार रॉजर फेडररने (Roger Federer) गुरुवारी निवृत्तीची घोषणा केली. तेव्हापासून त्याचे चाहते भावुक झाले आहेत. जगभरातील लोक त्याच्यासाठी सोशल मीडियावर पोस्ट करीत आहेत. बॉलिवूड अभिनेत्री करीना कपूर, अनुष्का शर्मा, लारा दत्ता यांच्यासह अनेकांनी रॉजरसाठी सोशल मीडियावर पोस्ट केले आहेत.

दरम्यान, हंसल मेहता यांच्या ट्विटकडे सर्वांचे लक्ष लागले आहे. हंसल मेहता (Hansal Mehta) यांनी लिहिले आहे, आय विल यू मिस चॅम्पियन. #रॉजर फेडरर. गंमत म्हणजे हंसल मेहताने ट्विटमध्ये रॉजर फेडररऐवजी अरबाज खानचा (Arbaaz Khan) फोटो टाकला आहे.

रॉजर फेडरर, अरबाज खानचा लूक सारखा

रॉजर फेडरर आणि अरबाज खानचा लूक अगदी सारखाच आहे. त्यांच्या जुळणाऱ्या चेहऱ्यावर यापूर्वीही अनेक मिम्स बनवले गेले आहेत. हंसल मेहताच्या या ट्विटवर अनेक कमेंट्स येत आहेत. ज्यामुळे गोंधळ होत आहे. अनेक जण हंसलच्या जोकचा आनंद घेत आहेत, तर काही लोकांनी याला वाईट विनोदही म्हटले आहे.

अरबाज हा रॉजर फेडररचा चाहता

अरबाज खानला माहीत आहे की त्याची तुलना रॉजर फेडररशी केली जाते. एका मुलाखतीदरम्यान अरबाजने सांगितले होते की त्याला माहीत आहे की त्याचे लूक रॉजर फेडररसारखे आहे. त्याने असेही सांगितले की तो रॉजर फेडररचा खूप मोठा चाहता आहे आणि त्याला भेटू इच्छितो.