रोहित शेट्टीच्या(Rohit Shetty) सिनेमांचे चाहते असलेल्यांसाठी एक आनंदाची बातमी आहे. 'सिंघम ३'(Sigham 3) ची घोषणा झालेली आहे. रोहित शेट्टी सध्या केपटाऊन मध्ये 'खतरों के खिलाडी १२' च्या शूटिंगमध्ये बिझी आहे. तिथे त्यानं मीडियाशी संवाद साधताना सांगितलं आहे की 'सिंघम ३' ची तयारी सुरू झाली आहे. रोहित शेट्टीनं हे देखील सांगितलं आहे की 'सिंघम ३' चं शूटिंग पुढच्या वर्षीच्या एप्रिल महिन्यात सुरु होईल. रोहित शेट्टीनं यावेळी अजय देवगण(Ajay Devgan) सोबत काम करण्यासंदर्भातही संवाद साधला आहे. सिनेमाचा पहिला भाग २०११ मध्ये आला होता,ज्याला लोकांनी खूप पसंत केलं होतं. २०१४ मध्ये या सिनेमाचा सीक्वेल आला होता,आता खूप वर्षांनी सिनेमाचा तिसरा भाग येत आहे,ज्याची प्रेक्षक खरंतर आतुरतेने वाट पाहत आहे.(Rohit Shetty confirms Singham 3, says Ajay Devgn film is going to be ‘massive’)

अजय देवगण आणि रोहित शेट्टीचे चाहते मात्र यामुळे नक्कीच सुखावले असणार, सिनेमाच्या मेकर्सनी एवढी मोठी धमाका करणारी बातमी त्यांना दिली आहे. रोहित शेट्टी म्हणाला आहे की,''सिंघम ३ सध्या पाइपलाइनमध्ये आहे आणि पुढील वर्षी सिनेमाच्या शूटिंगला सुरुवात होईल''. एका वेबसाईटला मिळालेल्या वृत्तानुसार,रोहित शेट्टीने सांगितलं की,''मी सिंघमच्या नवीन भागावर सध्या लक्ष केंद्रित केलं आहे. आम्ही 'सर्कस' सिनेमा प्रदर्शित झाल्यानंतर एप्रिलमध्ये सिंघमचे काम सुरू करू. सिंघम हा सिंबा आणि सूर्यंवंशीचाच भाग आहे. पण अजय सोबत काम करुन खूप वर्ष झाली आहेत''.

सिंघमचा २ रा भाग २०१४ मध्ये आला होता. आणि हा सिनेमा टी.व्ही वरचा सर्वात फेव्हरेट सिनेमांच्या लिस्टमध्ये सामिल आहे. आता वेळ बदलली आहे. कॅनव्हासही मोठा आहे सिनेमाचा. मला अजयसोबत काहीतरी मोठं करायचं आहे. रोहितने हे देखील सांगितलं की,हा मोठ्या प्रॉडक्शनपैकी एक सिनेमा आहे. पण सगळंच घाई-गडबडीवर आलं आहे. आम्ही लवकरच सर्कस प्रदर्शित करणार आहोत. सध्या मी इथे 'खतरों के खिलाडी' चे शूटिंग करत आहे.