छोट्या पडद्यावरील वादग्रस्त पण तितकाच चर्चेत राहणारा शो म्हणजे बिग बॉस. आतापर्यंत या शोचं प्रत्येक पर्व गाजलं असून या कार्यक्रमात सहभागी झालेले अनेक कलाकारही चर्चेत राहिले आहेत. यातलीच एक विजेती स्पर्धक म्हणजे अभिनेत्री रुबिना दिलैक. बिग बॉस १४ चं पर्व जिंकल्यानंतर रुबिना चांगलीच प्रकाशझोतात आली. त्यामुळे अनेकदा सोशल मीडियावर तिच्याविषयी चर्चा रंगत असतात. यामध्येच सध्या रुबिनाचा एक व्हिडीओ वाऱ्यासारखा व्हायरल होत आहे. यात विमानतळावर फोटोग्राफर्सला पाहिल्यानंतर रुबिनाने त्यांच्याकडे पाठ फिरवल्याचं पाहायला मिळालं. मात्र, असं वागण्यामागे असलेलं नेमकं कारण खुद्द रुबिनानेच सांगितलं आहे.
काही दिवसांपूर्वी रुबिनाला विमानतळावर स्पॉट करण्यात आलं होतं. रुबिनाला पाहताच तिची छबी कॅमेरात उतरविण्यासाठी अनेक छायाचित्रकार पुढे सरसावले. मात्र, फोटोग्राफर्सला पाहिल्यानंतर रुबिनाने त्यांच्याकडे दुर्लक्ष केलं आणि काहीही न बोलता तिथून निघून गेली. रुबिनाचं हे वर्तन पाहिल्यानंतर अनेकांनी तिला गर्विष्ठ असल्याचं म्हणत ट्रोल करण्यास सुरुवात केली. या प्रकारानंतर रुबिनाने एका मुलाखतीत मौन सोडलं असून फोटोग्राफर्सकडे दुर्लक्ष करण्याचं खरं कारण सांगितलं आहे.
ज्या दिवशी रुबिनाला विमानतळावर स्पॉट करण्यात आलं होतं, त्याच्या काही दिवसांपूर्वीच तिच्या आत्याचं निधन झालं होतं. त्यामुळेच त्या दु:खात असल्यामुळे तिने छायाचित्रकारांकडे दुर्लक्ष केलं.
हेही वाचा : नेमके कोणते सनग्लासेस घ्यावेत? तुम्हालाही पडतोय हा प्रश्न? मग जाणून घ्या 'या' फॅशन टीप्स
"आता सगळ्यांनाच ठावूक आहे की मी चंदिगढमध्ये चित्रीकरण करत आहे. माझ्या कुटुंबातील अनेक जण चंदिगढमध्येच स्थायिक आहेत. यात माझे काका आणि आत्यादेखील चंदिगढमध्येच राहतात. खरं तर मी 'बिग बॉस'च्या घरात असतानाच माझी आत्या खूप आजारी होती. मात्र, मला याविषयी मला साधी कल्पनादेखील कोणी दिली नाही. त्यातच मी चंदिगढला चित्रीकरणासाठी जात असल्याचं घरी सांगितल्यानंतर मला माझ्या कुटुंबीयांनी आत्याच्या निधनाची माहिती दिली. त्यामुळे मला प्रचंड धक्का बसला होता", असं रुबिना म्हणाली.
पुढे ती म्हणते, "आत्याच्या अचानकपणे झालेल्या निधनामुळे आम्ही सगळेच कुटुंबीय सध्या धक्क्यात आहे आणि या सगळ्यातून आम्ही सावरलोदेखील नाहीये".
दरम्यान, रुबिना सध्या तिच्या आगामी म्युझिक अल्बममध्ये व्यस्त आहे. प्रसिद्ध गायिका नेहा कक्करच्या 'मरजानेयां' या म्युझिक अल्बममध्ये रुबिना झळकणार असून तिच्यासोबत अभिनेता अनिभव शुक्ला स्क्रीन शेअर करणार आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.