Sayali Sanjeev Comment on Ruturaj Gaikwad :आयपीएल 2023 संपली आहे. अहमदाबादच्या नरेंद्र मोदी स्टेडियमवर चेन्नई सुपर किंग्जच्या संघाने गुजरात टायटन्सचा पाच गडी राखून पराभव करून विजेतेपदावर कब्जा केला.

अंतिम सामन्याच्या शेवटच्या षटकात शेवटच्या चेंडूपर्यंत उत्सुकता शिगेला पोहोचली होती. दोन चेंडूत 10 चेन्नईचा स्टार फलंदाज रविंद्र जडेजाने चौकार आणि षटकार ठोकला. अन् त्यानंतर चेन्नईनं ट्रॉफिवर नाव कोरलं.

सर्वत्र चेन्नई सुपर किंग्जच्या संघाचीच चर्चा सुरु आहे. त्याच्या संघाच कौतुक होत असतांनाच याच संघातील एक खेळाडू वेगळ्याच कारणाने चर्चेत आला आहे. तो खेळाडू म्हणजे चेन्नई सुपर किंग्जचा सलामीवीर ऋतुराज गायकवाड. Chennai Super Kings

(Ruturaj gaikwad girlfreind utkarsha with ipl trophy Photo viral Marathi Actress Sayali Sanjeev Commented viral)

चेन्नई सुपर किंग्जचा सलामीवीर ऋतुराज गायकवाड लवकरच विवाहबंधनात अडकणार आहे. मीडिया रिपोर्ट्सनुसार, ऋतुराज त्याची गर्लफ्रेंड उत्कर्षासोबत ३ ते ४ जून दरम्यान लग्न करणार असल्याच्या चर्चा सध्या जोरात सुरु आहे. अशातच ऋतुराजने गर्लफ्रेंड उत्कर्षासोबत आयपीएलच्या ट्रॉफी सोबत फोटो काढला आहे.

ऋतुराज हा फोटो त्याच्या इंस्टाग्रामवर शेअर केला आहे. या पोस्टला त्याने, 2 VVIPs OF MY LIFE अशी कॅप्शन दिली आहे. म्हणजेच 'माझ्या आयुष्यातील दोन व्हीव्हीआयपी. यासाठी मी देवाचा खरंच आभारी आहे', असं म्हणत त्याने देवाचे आभार मानले होते. दोघांचे फोटो सध्या सोशल मीडियावर तुफान व्हायरल झाले.

मात्र आता पुन्हा हा फोटो चर्चेत आला त्याच कारण म्हणजे ऋतुराजच्या या फोटोवर सायली संजीवने केलेल्या प्रतिक्रियेमुळे. सायलीने ऋतुराजला आणि त्याची होणारी पत्नी उत्कर्षाला खुप शुभेच्छा दिल्या आहेत. 'तुम्हा दोघांना मनापासून शुभेच्छा', अशी कमेंट सायली संजीवने या पोस्टला केली आहे. या कमेंट तिने या दोघांना टॅग केलं आहे.

याआधी ऋतुराज आणि सायली संजीव यांच्या लिंक अपच्या बातम्याही समोर आल्या होत्या. मे २०२१ मध्ये सायली संजीवसोबतच्या इन्स्टाग्राम चॅटमुळे दोघांचं अफेयर असल्याच्या अफवा पसरल्या होत्या. त्यामुळे दोघांच्या अफेयरमुळे खुप चर्चाही झाली होती, मात्र नंचर सायलीने या आम्ही केवळ चांगले मित्र आहोत असं म्हणत या बातमीचे खंडण केले होते.