सोशल मीडियावर सध्या अभिनेता अर्जुन रामपालची मुलगी महिका रामपालची(Mahikaa Rampal) चर्चा जोरदार सुरु आहे. याचं कारण आहे,लंडनमधील एक पार्टी ,जिच्यात सैफ अली खानचा मुलगा इब्राहिम अली खान(Ibrahim Ali Khan)सोबत तिला स्पॉट केलं गेलं. इब्राहिम अली खान काही दिवसांपूर्वी पर्यंत श्वेता तिवारीची मुलगी पलक तिवारीसोबत हॅंग आऊट करताना दिला होता,मात्र सध्या त्याचे महिका रामपालसोबत पार्टी करणं मोठ्या प्रमाणात सुरु आहे. यामुळे चर्चांना उधाण आलं आहे.(Saif Ali Khan's Son Ibrahim And Arjun Rampal's Daughter Mahikaa ,Photo Viral)

इब्राहिम अली खान आणि महिका रामपालचे लंडनमध्ये नाइट आऊट करतानाचे फोटो सोशल मीडियावर जोरदार व्हायरल झाले आहेत. फोटोंमध्ये राहून राहून सगळ्यांच्या नजरा महिका रामपालवरच खिळल्या आहेत. महिका,अर्जुन रामपाल आणि त्यांची पूर्वाश्रमीची पत्नी मेहर जेसियाची मुलगी आहे. महिका रामपाल नेमकं काय करते आणि सोशल मीडियावर तिचं प्रस्थ कसं आहे,चला जाणून घेऊया याविषयी थोडक्यात.

महिका रामपाल,अर्जुन रामपाल आणि त्याची पूर्वाश्रमीची पत्नी मेहरची मुलगी आहे. अर्जुन रामपाल आणि मेहर यांचा २०१९ मध्ये घटस्फोट झाला होता. अर्जुन Gabriella Demetriades सोबत रिलेशनशीपमध्ये आहे. पण तो आपल्या मुली माहिका आणि मायरासोबत वेळ घालवण्याची एकही संधी सोडत नाही.

माहिका रामपाल सध्या लंडनमध्ये शिकत आहे. ती अजय-काजोल ची मुलगी न्यासा देवगणची खूप चांगली मैत्रिण आहे. दोघींना अनेकदा लंडनमध्ये एकत्र पार्टी करताना पाहिलं गेलंय. माहिका लंडनमध्ये एका फिल्म स्कूलमध्ये शिकत आहे. आता यावरनं हे तर कळतंय की भविष्यात फिल्म इंडस्ट्रीत एन्ट्री करुन ती अभिनय किंवा दिग्दर्शनाकडे नक्कीच वळेल. सध्या मात्र या क्षेत्रात येण्यासाठी ती अभ्यास करतेय आणि अर्थात स्वतःचं ग्रुमिंगही.

गेल्या वर्षी जेव्हा अर्जुन रामपाल लंडनमध्ये गेला होता तेव्हा त्यानं आपली मुलगी माहिका आणि तिच्या फ्रेंड्ससोबत खूप चांगला वेळ घालवला होता. तेव्हा अभिनेत्यानं पोस्ट केली होती,''त्याला आगामी काळात दिग्दर्शक-अभिनयात एन्ट्री करणाऱ्या मुलांसोबत सिनेमाविषयी गप्पा मारताना खूप छान वाटलं. आता माहिका अभिनय निवडेल की दिग्दर्शन की आणखी काही हे तर येणाऱ्या काही दिवसांत कळेलच.